梁詠琪（GiGi ）當年揹著第三者之名，介入鄭伊健及邵美琪的戀情，成為眾矢之的。前晚GiGi 接受吳君如訪問時坦言和伊健拍拖6年以來，彼此都不能放下邵美琪這個包袱，大家都耿耿於懷，直至分手雙方才能得到真正解脫。
當年梁詠琪和鄭伊健因合演舞台劇《仲夏夜狂想曲》而咀出愛火花，女方甘願揹著第三者之名介入伊健和邵美琪的戀情，前晚GiGi 到商台接受吳君如主持的《嘩！嘩！嘩！打到嚟2009》大談昔日戀情，GiGi 在訪問中坦言和伊健拍拖6年以來，一直都放不下邵美琪這個包袱，令大家面對沉重壓力。
君如嘲亨亨得閒
雖然伊健和邵美琪分手多年，但原來她一直是伊健和GiGi 間的包袱。 資料圖片
GiGi 表示近來受媽媽影響而食齋，問到她是否因情變而清心寡慾，她笑說：「唔係，我仲好熱情，而家成日都同異性約會。」君如鬼馬地以「蛋散王」來形容伊健，GiGi 表示分手原因之一是雙方很忙，但她不會刻意不揀工作忙碌的對象，君如聞言竟公然說：「你估個個好似許晉亨咁咩，佢有錢唔係最強，得閒先係最強。」GiGi 直指伊健是家居型男孩，她說：「佢識嘅朋友好少，我而家見識多咗，講嘢都多咗，又outgoing 咗，唔會困喺屋企打機上網，冇得擴闊自己圈子，我而家同的士司機都傾偈。」至於為何和伊健分手收場？GiGi 說：「大家真係太忙，種花都要悉心經營，冇時間照顧，雙方少溝通先搞到呢個地步。大家喺尾過兩年都拖住，直至有一日坐低去傾，但一傾我就狂喊。」她表示沒有後悔和伊健開始，但承認當日處理不當，GiGi 更透露因伊健向她表示和邵美琪已完結才跟他開始，但她很欣賞伊健不是一個決絕無情的人。GiGi 又指伊健不是花心的人，只是不懂處理感情事，她坦言雙方拍拖以來都不能拋開邵美琪這個包袱，GiGi 說：「其實一直拍拖都唔開心，唔識得點解脫，直至分手先可以解脫到，所有困擾都放低晒，呢6年以嚟大家都唔開心，但我哋冇嘈交，只係各自匿埋或者同屋企人講，大家唔會討論。」
彼此已沒聯絡
GiGi （左一）前晚接受吳君如的訪問，剖白和伊健分手的感受。
問到GiGi 分手後兩人有沒有聯絡？她表示：「冇用，都已經宣佈死亡，再聯絡咪即係傷害自己。」GiGi 直言當日分手後最慘是要面對傳媒，因為不可暴露情緒，但她認為和伊健分手沒有分輸贏。採訪：馬建華
梁詠琪當年和鄭伊健因為合作舞台劇《仲夏夜狂想曲》而擦出愛火。 資料圖片
from
http://appledaily.atnext. ... art_id=12043834
