黃宗澤︰我樂易玲嘅！（設計對白）
林峯︰我英皇嘅！（設計對白）
其實只係相隔兩個身位，林峯堅持唔肯同黃宗澤、鍾嘉欣影合照，初時大家以為佢只係講笑搞氣氛，連企喺後排嘅「英皇人」Yumiko 、吳浩康都笑笑口。
喺Boxing Day （十二月廿六日）舉行嘅「新城勁爆頒獎禮2008」，137個豬肉獎人人有份，無線旗下幾個親生仔女例如林峯、黃宗澤、鍾嘉欣都有得分。
合照唔成，林峯走返去同英皇人一齊坐等開餐，見王祖藍低頭祈禱，居然用筷子篤對方塊面，雖然被人騷擾，但完全無法中斷王祖藍與神對話。
憑《Shiba-Za 》獲「新城勁爆跳舞歌曲」嘅Freeze ，首歌唔係重點，重點在於甄詠珊無論食乳豬定係放個獎座喺枱面，每一個動作，只為展露谷爆身材。
大家笑完之後，林峯依然無反應，仲耷低頭扮聽唔到，黃宗澤即刻無晒表情。
話晒同一個阿媽生，慶功宴上，記者嗌班無線人影合照，來自「東亞唱片」嘅黃宗澤，以及「Neway Music Star 」嘅鍾嘉欣都準備就緒埋位，偏偏憑《愛不疚》奪得「勁爆卡拉OK 歌曲」嘅林峯，居然一句「得」埋去：「唔得，我英皇㗎！唔影得！」
突如其來玩「割席」，鍾嘉欣同黃宗澤一碌木企喺度唔識反應，記者再三要求，林峯依然詐耳聾扮聽唔到，繼續同英皇班工作人員傾偈。
當日唯一可以埋林峯堆嘅，就只有同樣係「英皇人」王祖藍。開席慶功，王祖藍低頭祈禱感謝神賜佢獲得「勁爆新登場創作歌手」，坐喺旁邊嘅林峯，忽然嗱起對筷子篤王祖藍，真係穌哥都無面俾。
