埋到「女友」舒淇身邊，華仔吞晒口水，個樣好嗒糖！
還有唔夠一個月就到農曆新年，吳宇森的《赤壁II 之決戰天下》、黃百鳴經典重現的《家有囍事2009》，以及不少外語片已排住隊做賀歲檔電影。冇打打殺殺，亦唔係無厘頭笑一餐，貼近生活的愛情題材，有劉德華、舒淇主演，劉偉強執導的《遊龍戲鳳》。
劉華在片中飾演經歷三次婚姻失敗的富商，遇上在賭場跳艷舞的舒淇，由憐生愛……
其中一場講舒淇與官恩娜、裴唯瑩等在夜場開工，眾女谷胸露髀，甚至著住胸圍底褲滿場飛，場面「壯觀」，令身處其中的華仔「嘩！嘩！」聲，吞晒口水！
埋嚟啦！靚仔！（設計對白）
導演劉偉強專登玩嘢，拉華仔到舒淇身邊要二人對稿，裝模作樣的華仔欲拒還迎。
睇你唔到
性感女神舒淇毫不吝嗇身材，挺住一雙「導彈」，在後台左穿右插，華仔經過她身旁時亦不敢正視，猛唸：「阿彌陀佛！」
闖禁地
拍攝前，華仔不知眾艷女的造型有幾性感，行入後台見到官恩娜、姚文雪及鋪鋪肉色衫打底，胸圍同底褲著上面，遠睇似無著，他即O 晒嘴：「嘩！嘩！有嘢睇呀！」
食華仔肉
舒淇與艷舞女郎穿上另一款吊帶背心谷胸，跳「士的」舞色誘華仔，眾女笑說：「要食華仔唐僧肉做消夜！」華仔亦交足戲大叫：「唔好！」
肥妹仔姚文雪曾在周星馳電影《長江7號》中，女扮男裝飾演幫壞同學打主角小狄（徐嬌）。今次不但回復女兒身，還有機會發揮跳艷舞。
舒淇春光無限，在戲中負責搞笑的肥妹仔（箭嘴）身材同樣是重量級，心口好肉。
星爺舊將
訓地示範
跳舞老師教大家擘髀跳pole dance ，華仔竟然嫌眾女表現唔夠野性，親自訓地示範。
軟骨人
舒淇與眾女拍攝跳舞戲份前，由老師教路上了三堂跳舞課，本身是「軟骨人」的舒淇稍作拉筋，輕而易舉落一字馬。
歌星出身的官恩娜平時有玩開瑜伽，大字形「探海」拉筋動作對她來說毫無難度，她說拱橋、一字馬、倒立瓣瓣掂，可兼職雜技團。
舊菜有料
剛與陳曉東分手的大陸小花裴唯瑩（左），雖然只得十九歲，但胸前肉厚，著tube top 效果逼爆，陳曉東果然識揀！
新春搵戲睇
賀歲片題材應有盡有，喜劇、愛情、動作、動畫，邊瓣中？純個人喜好。
《家有囍事2009》
經典粒粒巨星賀歲片，《97家有囍事》仲有個周星馳，再翻炒得番古天樂、鄭中基，老闆黃百鳴例牌佔一角。
上映日期：1月22日
《赤壁II 之決戰天下》
以大製作、大場面做賣點，加埋美女林志玲、影帝梁朝偉和型男金城武，本來叫座力都唔弱，不過半年前睇上集，講乜？隨時唔記得。
上映日期：1月15日
《奇幻逆緣》
畢彼特（Brad Pitt ）放棄做型佬，演一個八十歲奇人，返老還童，又老又巢皮的造型，令他博得角逐金球獎影帝機會，下一個目標應該是奧斯卡。
上映日期：1月22日
《超級零零狗》
迪士尼最新3D 動畫片，識得飛天遁地的可愛狗狗和老友倉鼠，學人做英雄救貓。
上映日期：1月22日
