21歲梁文音樣靚聲甜，擸吓眼仲有幾分似李心潔添！
呢個聖誕，台星仆倒嚟香港爭飯食，先有師兄師姐王力宏同張惠妹，再嚟大班hit 爆後輩，林宥嘉、阮經天、黑Girl 同棒仔，過一個國語聖誕節。
搵食之餘，仲要趕年尾出碟，好似飛輪海同小豬（羅志祥）新碟已在預購中，方大同、五月天碟都出埋，方大同仲新上榜即No.1。
男歌手好踴躍，其實女將都鬥餐懵，星光二班梁文音靠「星光朵」back up ，搞到J 女郎江語晨跌出銷量榜！唔該借借！
12月5日推出 首張專輯《愛的詩篇》算係萬眾期待之一，銷量唔知拍唔拍得住星光幫冠軍嘅林宥嘉呢？
梁文音（右）從星光二班畢業冇耐，就俾《海角七號》睇中客串唱插曲仲好多人讚好聽，衰在新碟冇收錄啦！
擁星光二班第二名美譽，21歲梁文音，雖然敗喺冠軍賴銘偉手上，不過星途光明唔憂做，仲簽咗環球呢間大碼頭，好腳頭囉！
爭緊星光二班冠軍嘅梁文音已經豁出去，不惜著得極性感唱〈Lady Marmalade 〉忽然野性，呢幕令人印象深刻。
玉女新掌門
億億聲嘅《海角7號》，梁文音在戲末段有份客串，雖然梁文音完全冇對白，只係負責flash back 現身一幕，不過導演就話呢個角色絕對係戲入面嘅關鍵人物，能夠得到呢個機會，真係唔容易。
曾經亦係《黑澀會美眉》一分子嘅梁文音，講過做美眉好開心，不過最討厭要著超短迷你裙。
如願以償做歌手嘅佢，於本月5日出新碟《愛的詩篇》，雖然冇收錄《海角7號》插曲〈那兒風光明媚〉（因版權問題），不過實力派梁文音冇有怕，主打歌〈最幸福的事〉走浪漫抒情路線，啱晒佢，再加玉女派嘅〈薄荷與指甲剪〉，果然「星光出靚聲」。
以前做模特兒，今時今日升格做咗J 女郎嘅江語晨，其實呢個7分面都有啲曾凱玹影子，莫非呢啲係周董鍾意嘅癖好？
大碟有兩首歌〈我的主題曲〉、〈我太乖〉有傳同樣由周董操刀，只不過化名「陳少榮」去掩飾身份，係咪炒作呀？
11月19日推出 其實江語晨隻大碟封面都幾簡單，睇嚟真係靠晒周董喎！
江語晨孖住周董拍MV ，仲著埋校服，又幾有《不能說的秘密》feel 喎！
周董當宣傳
冇比較就好地地，本來江語晨挾住J 女郎個朵，有望在銷量榜中打持久賽，出咗1個月，點知梁文音上榜1星期後，江語晨連廿大都冇機，慘。自被周董睇中，邀拍《最長的電影》MV 女角，踏上「J 女郎」命運，更有傳周董送寶馬房車代步，呢位J 女郎真巴閉。
靠住周董而打響知名度嘅J 女郎江語晨，上月推出新碟《晴天娃娃》，雖然銷量未有突出，仲俾梁文音砌到影都冇，不過單靠周董精心打做嘅〈浪漫愛〉做主打歌，宣傳可以慳唔少喎！
1月16日推出 上一張專輯《Start From Here 》大賣20萬張，嚟緊1月出嘅《Joanna &王若琳》有冇機會破呢個數字呢？
19歲王若琳唱作都掂，經常出騷都自彈自唱，聲線又夠獨特，係冇靚樣啫！
等聽 王若琳又玩翻唱
靚聲王王若琳自上一張大賣20萬張嘅專輯《Start From Here 》之後，就好似銷聲匿跡一樣，實情佢係為新專輯煩惱中！
下月16日推出新碟《Joanna &王若琳》嘅王若琳，繼續行Jazz 路線，新碟不但有自己創作嘅十首新歌之外，仲有4首翻唱嘅經典英文舊歌，今次揀咗The Carpenters 、Paul Anka 同Paul Simon ，一於老歌大翻新。之前王若琳講過《Start From Here 》係一張佢好唔滿意、好憎嘅碟，唔知新專輯佢會唔會滿意啲呢又。
No.1楊丞琳《半熟宣言》5萬
No.2梁文音《愛的詩篇》3萬2
No.3梁靜茹《幸福的抉擇I do?》3萬
No.4蔡依琳《愛的練習語》1萬5
No.5卓文萱《晴天娃娃》8千
台女賣碟榜
新年將至，各歌手各就位出碟，近3個月暫以楊丞琳的《半熟宣言》霸佔第1位，而新人王梁文音出碟1個月未夠已衝破3萬，睇嚟仲有後勁喎！
