上年無線遊戲節目《味分高下》彈出濟南妹賈曉晨JJ ，拍電影唱歌出寫真撈齊，國貨變新女神。
國產女有市場，出名識搵女嘅監製錢國偉響part 2《耳分高下》，8個新天使以43吋長腿福建妹Kibe （劉俐）最索，加埋34D 大咪港女（陳蕊蕊）同六位
模組成「Sing 之天使」強攻宅男市場。
福建妹Kibe 更於網上晒三點式任𥄫，仲要用半鹹淡廣東話要抄JJ ：「我都好主動嘅，JJ 係我學習對象。」
難得連男主人庾澄慶都激讚：「佢身材很好又漂亮。」JJ 睇路喎！
都幾靚女喎！
舊天使 上輯《味分高下》味之天使擺甫士個個一樣冇厘新意，對足30集都淨係記得個JJ （箭嘴）一個。《蘋果日報》圖片
藍莓
Kibe （劉俐）
年齡：19
身高：174cm
三圍：32、24、35
內地女出名主動，拍攝當日Kibe 好主動問攝影師：「你想要咩甫士？我會配合你！」影完又再追問：「夠唔夠？使唔使影多啲？」擺到明ready 戰鬥格。
19歲Kibe 7年前同家人響福建嚟香港，中學畢業後開始做兼職model ，JJ 就話有老細阿叻做中間人，冇乜背景嘅Kibe 連廣東話都講唔正，就要對住錢監製面試，Kibe 話：「我之前唔識錢監製㗎，面試時（經模特兒公司安排）都係著住便服行吓catwalk 同自我介紹，可能我夠淡定，仲主動講埋之前接過乜嘢job ，其實如果工作需要我著三點式都唔介意，我好專業嘅！」
見JJ 做天使妹彈出，Kibe 梗係想照抄：「我都好主動，JJ 係我嘅學習對象，佢好識同人溝通，做呢行唔主動好蝕底，平時我都主動同人傾偈，介紹自己，識多啲人，有job 先會記起你啦！」
自從成為新天使後，Kibe （箭嘴）不時孖住舊天使一齊同監製錢國偉四圍走，錢國偉就講到明揀佢係因為要吸引男觀眾，錢國偉話：「佢身形好好，台前最突出，男觀眾都睇得開心啲！」
三點式唔怕睇
唔只海南姑娘張茆咁豪，Kibe （箭嘴）亦放咗唔少泳衣相上自家facebook ，仲有啲佢high 晒嘅嘟嘴相任睇，佢身邊好友就話佢去clubbing 好熱情，逢party 必到兼且好鍾意跳勁舞，Kibe 解釋：「朋友生日party ，一定要我哋著三點式，所以咪就吓個friend 囉，我唔係咁隨便，大家誤會咗我啦！」Kibe 對朋友真係闊綽。
冧林峯
Kibe 今年9月仲嗱咗個F1賽車女郎冠軍，有幸同頒獎嘉賓林峯合照，Kibe 勁賣口乖話：「因為睇番輯《女人唔易做》而鍾意咗佢，如果真係同佢拍拖就好啦！佢好靚仔呀！」
碼基仔
Kibe 曾經響古巨基《愛回家》MV 中客串，仲響facebook 勁晒同基仔合照話：「雖然只係客串，不過難得佢仲記得我呀，好開心！」
新game 玩聽覺
上輯《味分高下》玩味覺，嘉賓藝人要試勻甜酸苦辣嘅拖鞋同底褲，新一輯《耳分高下》就考嘉賓聽覺，藝人除咗要考唱歌，仲會鬥大聲、考拍子、又要跳落水底唱歌估歌仔，不過錢監製話：「好多形式仲構思緊，咁庾澄慶同鄧健泓都有畀好多意見嘅，總之要開心過上集啦！」講到咁精采，好期待喎！不過個節目都要到2月2日先至啟播，班天使妹全部安咗個生果名㗎，而家背熟差唔多。
新一輯《耳分高下》主持庾澄慶對新天使讚口不絕話：「雖然未開始錄影，只是看她們的外貌已經好吸引，藍莓Kibe 身形好高，著了高跟鞋比我還要高，不過她上鏡很好看。」
師姐教路
睇過今次「Sing 之天使」班師妹，JJ 一眼就揀咗同胞Kibe ：「Kibe 好靚，雖然響天使當中唔算最突出，不過單人就好靚啦，不過記住就算冇對白，擺好啲姿勢都好緊要，冇你戲分都唔好懶，我睇好佢！」
監製揀囡
監製錢國偉話天使妹件件精選：「今次班『Sing 之天使』個個都好掂，又識跳舞、唱歌、又有好fit 外形，我哋挑選班天使都四、五次，大概見咗五百個女仔先搵到佢哋，所以一定唔會令觀眾失望。」hard sell 到暈！
陳總親信推薦
「Sing 之天使」除咗有國產高妹劉俐，我哋香港代表就有34D 嘅陳蕊蕊，除咗身材有睇頭，佢之前仲係TVB dancer ，不過最勁都係朝中有猛人撐，陳蕊蕊說：「陳生（陳志雲）助手Edthancy 係我朋友，我嚟緊簽佢開嘅model 公司，咁啱知道監製要人，咪叫我去casting 囉。對於自己身材突出，陳蕊蕊又例牌話：「都唔係第一個咁講！不過我唔會刻意做賣點，要睇番工作需要，其實好多外國藝人都係咁啦！健康咪得啦！」行貨對白似足趙碩之！
藍莓
蕊蕊（陳蕊蕊）
年齡：24
身高：170cm
三圍：34、25、35
難得有34D ，陳蕊蕊都識主動趴低身，見佢左手腕位置有紋身，佢就話：「貪靚囉，家陣興！」果然係潮女喎！
伴Gigi
04年加入做dancer 嘅陳蕊蕊（左），07年幫過梁詠琪《本色》演唱會伴舞，做「Sing 之天使」要經常跳勁舞，開正佢強項！
黐高層
響陳蕊蕊自家Xanga 發現佢同無線高層樂易玲合照，雖然蕊蕊話大家唔多認識，不過同高層影完相梗係要晒吓，你估咁多dancer 有機會埋到樂小姐身㗎！
未出碟先做騷
話晒新節目以音樂為主，天使又點會唔識唱歌，菠蘿郭穎橋原本係Boxing Music旗下歌手，同公司有個翻版鄭融李卓庭，09年會正式出碟，錢監製話：「搵阿橋因為佢識唱歌，唱歌部分會由佢帶住！」似足半個隊長咁款喎。
菠蘿
阿橋（郭穎橋）
年齡：23
身高：170cm
三圍：32、24.5、34
出道半年仍未出碟的郭穎橋話：「今年多女新人，公司想慢慢嚟，做天使等多啲人認識我，我家陣錄緊歌啦！」
今年「翡翠歌星賀台慶」，郭穎橋（箭嘴）以歌手身份出席，現場有人問：「呢個乜水嚟㗎？」做天使妹咪當畀多啲人認識！
四葉女變身
四葉女出身嘅王淑玲（Vanko ）同Juno 、周國賢拍完旅遊節目《日本東北咁過祭》後，就馬上被錢監製關照佢做「Sing 之天使」，似乎好得錢監製歡心，Vanko 話：「錢監製話我好陽光、又好開心成日笑，所以話天使好啱我。」
香蕉
王淑玲（Vanko ）
年齡：18
身高：169cm
三圍：32、24、33
王淑玲曾經遭不法之徒偷拍裙底放上網，王淑玲話：「我自己會小心啲，平時出街當然唔會好似做騷咁著。」
《壹週刊》圖片
今年暑假，王淑玲已經被錢監製睇中拍《四葉草》做龔嘉欣個妹，今次再做「Sing 之天使」，幾時都話冧掂錢監製有運行啦！
