自倪震偷食事件被揭發後，有關倪震、周慧敏（Vivian ）以及張茆（Miffty ）的報道不斷，事件成為全城熱話，就連詹瑞文都將有關情節加插於舞台劇《萬千師奶賀台慶》中，他反串扮Miffty 講及與男友倪震強的一段情，台下觀眾反應最為熱烈，紛紛報以掌聲及尖叫。
詹瑞文前晚於沙田大會堂演出舞台劇《萬千師奶賀台慶之豬肝補氣》，他已經將倪震、周慧敏及張茆的情節加入劇中。首先劇中有一劇目為《危鎮風雲》，當中一句對白「好滾唔滾，滾個學生妹」擺明車馬寸倪震。
「全港冇人唔識我」
其後在另一個環節《向世界恤髮》，阿詹反串向觀眾介紹自己名叫Vivian ，他一邊撥弄長髮一邊說：「大家好，我叫玉女Vivian ，不過我改咗名叫Miffty 啦，全香港冇人唔識得我。」及後「Miffty 」用半鹹淡廣東話致電與男朋友談心：「喂，我聽到你個電話成身都震，倪先生。我平時最鍾意就係寫日記，而家天氣好似落雨，天上都為我嘅孤單流淚，突然發現有人為我撐住把傘，我見到我嘅舊同學倪震強。」之後「Miffty 」又講及與倪震強的親密關係，她說：「倪震強叫我上咗架勞斯萊斯帶我返屋企，我呢啲玉女唔鍾意one night noodle 。」此時台下千多名觀眾即起哄大叫，全場掌聲如雷。前晚阿詹完成演出後接受電話訪問，他表示想套用Miffty 這個名反映時下部份女性喜歡透過網絡表達自己的欲望，他說：「其實Miffty 都係一個師奶仔，佢想人鍾意佢，所以將自己啲相post 上網，呢啲行為係現代女仔常做嘅事。」不過阿詹估不到全晚反應最熱烈是Miffty 這部份。至於會否邀請倪震欣賞其演出，他說：「之前我開騷都有叫佢，但今次就冇叫啦，呢段時候都係唔好搞佢啦。」
詹瑞文由玉女Vivian 變身成Miffty ，令觀眾捧腹大笑。
詹瑞文好像扮女人扮上癮，不停反串在台上載歌載舞晒毛腿。
玩謝亞視與魔童
詹瑞文在《智能焗飯》訪問魔童，狂寸亞視。
此外，阿詹也將早前不滿亞視指他會露毛演出而辭演亞姐一事擺上舞台，他於《智能焗飯》扮演陳志雲訪問魔童，他說：「你點解叫魔童？係咪因為做嘢好『魔』，你唔好亂摸我，我會話你性虐待。你叫魔童原來係想do more 呀。我又想問番你露毛事件，高層係咪要講露毛，你係指手毛腳毛同鼻毛。」採訪：楊潔雯、李珮洳
張茆的介入導致周慧敏和倪震先分手後結婚，成為城中熱話，連詹瑞文也要把題材搬上舞台。 互聯網圖片
FROM: 頻果日報
