先跟大家說一句聖誕快樂,新年進步,無論股市升跌,贏錢輸錢,放假時,大家都應該開開心心去玩一下也好,放鬆一下也好.
生活實在太緊張了,通常大部份人都係一面上班一面炒股,真係幾辛苦嫁.但覺得辛苦,又何苦呢?
不如趁這幾天假期,停一停,想一想,回望一下呢一年,自己的響股票市場入面做0岩左d咩,又做錯左d咩?原因又如何?
在討論或分析前,我希望大家獨立思考,唔好人云亦云,19分析員好,吹水高人好,我呢d低b投機者好,唔好信,只可參考,要用自己腦袋去分析.故此在回望展望之前,本人會用較多字數去講一講其他方面的野.
此POST絕對有機得罪各位,事關我未必留情咁單打到自己同各位.而且可能會令大家覺得沉悶,如果你只想尋找什麼炒股秘訣,對不起,不要再看!
心態準備好了?投資投機有贏有輸,承受唔起唔好玩.世界上冇長勝將軍,我亦不信有,什麼高人低人,也有贏輸,賺錢先係大前提,面子放左一旁吧,本人有上有落,有贏有輸,最少要知發生咩事.
大前提是:你到底合適投資?
什麼是投資(investment)?有冇清楚了解這一個字的定義?
大家有冇睇過富爸爸系列的書,其中一本,"富爸爸投資指南"入面提及:
大致意思為"投資在買入時已經知道獲利多少,而交易則在賣出時才知道獲利多少."
大家又明白了多少呢?
而投資方面,大家又有冇想過是否一定要在股票市場呢?其他市場又有冇考慮呢?別人認為難玩,可能自己玩落更得心應手,別人認為易玩,反而自己損手?請不要拒絕任何機會!!!機會只會留給有準備的人.其實金市匯市亦係可以玩得好好的.
風險:什麼是風險,簡單定義為潛在的不確定因素.
投資有風險,沒錯,咩都唔識就去做絕對係風險,未學過踏單車而在馬路上踏單車,風險更大.
世事太多不確定因素,但如果將呢個變數盡量化為極小值,咁你條投資公式係咪更易掌握呢?
對本人而言,本人絕對不否認自己是一個投機者,當然在合適的時候是投資者.
但很多很多人明明是一個投機者,卻永遠認為自己是一個投資者.
大家有冇呢個感覺,買入,持有,祈求上天給運氣.如果有,這是一個投資者所為嗎?
心中長線,手中短線,最後咪本來短線結果長線囉.
如大家決定要做一個投機者,咁本人百分百肯定,一定要練好自己武功,投機鱷口偷金,要面對出面的大戶同各高低經驗的散戶,投機唔係你死就我亡,沒有雙贏.你武功低只有敗.大家要下一下苦功才可以成為一個好的投機者,憑感覺,九死一生.
呢個時候,我希望大家看看一些資料,不知道大家認唔認識江恩,不認識的話自己查一下,不作詳說.
江恩的２１條股票操作買賣守則：??
?
１、每次入市買、賣，損失不應超過資金的十分之一。
２、永遠都設立止損位，減少買賣出錯時可能造成的損失。
３、永不過量買賣。
４、永不讓所持倉位轉盈為虧。
５、永不逆市而為。市場趨勢不明顯時，寧可在場外觀望。
６、有懷疑，即平倉離場。入市時要堅決，猶豫不決時不要入市。
７、只在活躍的市場買賣。買賣清淡時不宜操作。
８、永不設定目標價位出入市，避免限價出入市，而只服從市場走勢。
９、如無適當理由、不將所持倉平盤，可用止賺位保障所得利潤。
１０、在市場連戰皆捷後，可將部分利潤提取，以備急時之需。
１１、買股票切忌只望分紅收息。（賺市場差價第一）
１２、買賣遭損失時，切忌賭徒式加碼，以謀求攤低成本。
１３、不要因為不耐煩而入市，也不要因為不耐煩而平倉。
１４、肯輸不肯贏，切戒。賠多賺少的買賣不要做
１５、入市時落下的止損位，不宜胡亂取消。
１６、做多錯多，入市要等候機會，不宜買賣太密。
１７、做多做空自如，不應只做單邊。
１８、不要因為價位太低而吸納，也不要因為價位太高而沽空。
１９、永不對沖。
２０、儘量避免在不適當時搞金字塔加碼。
２１、如無適當理由，避免胡亂更改所持股票的買賣策略。
大家有冇守到呢21條?輸又係咪因為犯了呢21呢?自己用心答便行了.
世界上沒有免費午餐no free lunch.睇多本書,學多樣技巧,等於投資,投資在自己身上不是一件最好的武器嗎?什麼沒時間,沒精神,沒心情,沒......最後係一無所有.不要再找借口了,看一本書有何難?打開一個系統軟件看一看圖又有何難?一天花30分鐘看吧,愚公可以移山,何況大家亦不愚.只是懶!
我認為我地香港人好勁,轉數比好多國家的人都快,但點解思想依然保守,是否我國祖先文化影響?從很多方面,我絕對認為香港人思想好保守,外表好似很開放,其實一點大膽嘗試的意願都冇.反觀祖國點解近年咁強大,其實很多大城市的人們已經行得好快好快,思想已經超過我地想像了.請不要再停留吧!時代不同了,你想贏,一定要趕快改變思維.
價值不等於價位
請大家攪清楚,咩叫價值,咩叫價位.某一超級市場做大優惠,一百蚊一罐午餐肉.依家大平賣1折.1折呀!你仲唔去掃貨?某市值500萬的樓,因業主急事出讓打9折,450萬出售,又抵唔抵?某酒家一蚊一隻雞又ok唔ok呀?
好多人都用價位來衡量平貴,平貴取決在物件的本質,而不在價位上面.如果你奉行價值投資法,更加要理解呢個道理.
P/E低又係咪等於抵?本人不敢苟同,大家可以查看咩係P/E,同價值上有什麼關係?
BUY &HOLD &BULL &SHIT
成日聽什麼BUY&HOLD,有時真係聽到有少少火,BUY有時SELL亦有時,股神巴爺當年什麼價入857,又什麼價賣857.佢會唔會同你講咩BUY&HOLD呀?絕對唔會,因為投資股票一定有買賣,就算將自己手上組合比重改變都要靠做買賣啦,難道你一世也不放嗎?留給仔,仔留孫,BUY&HOLD!
以日本為例,數據方面唔多講,咁多年的大熊市,你咪BUY&HOLD囉,由3萬幾跌到來1萬都唔夠,睇你HOLD得幾耐?BUY&HOLD其實係一個借口,一個俾D艇家的借口.醒醒吧,BUY HOLD都要講時機.BUY &HOLD &BULL時,咁就開心囉,如果唔係,真係成為一堆SHIT了.
話說回頭,到底你想做一個投資者定係投機者?
如作一個投機者,盲目買入然後燒注香就贏啦,呢D叫做運,如果講運,點解唔直接去賭博?波,馬,狗,大細,廿一點,百家樂咩都可以.玩大細,過3關有8倍,賺錢都係比閃電慢左少少姐,不過時間值賺返晒.
搏隻牛熊搏張期指過夜都要等一晚啦,有冇8倍先?你覺得自己睇得好準咩?點解市場都係唔跟自己意願走?
機率問題
反正都係升跌之間,2份1機會,點解玩D冇一倍以上的野呢?雖然大細同賠率都唔對等(有讀過機會率的人應該明白),但都叫接近.但有時玩牛熊過真係條數唔係咁計,成日輸可以輸足,贏未必真係有一倍以上,當然都有啦,如果你眼光獨到,咁我當然讚成啦,但如果唔係,咁不如真係過大海好過了.
請留意返上面江恩14條,好多人都犯左呢一點,點解會坐,就係呢個原因.點解上年今年咁多蟹貨?肯輸不肯贏.D人玩牛熊玩到心灰,就走去玩返CALL,PUT,認為CALL,PUT可守,時間值日日都損耗,點守?如果正股升跌超過1成,點守?CALL,PUT有冇人接?引申又會縮.又有冇留意?
做得投機者,自然有自己一套方法去玩,當然呢套方法每人都可以唔同.但有一點一定冇變,就係命中率問題.有人說什麼多做多錯,少做少錯,呢句野已經係錯,因為已經假定左一開始就係錯,如果假定係對,即係多做多對,少做少對,不做不對啦.都唔知出自邊個19分析員.連最基本的LOGIC都錯左,仲點教人炒股呀?
最重要的係命中率,你的方法命中率得4成,做10次100次1000萬次,也只贏4成輸6成.同樣地你方法贏6成,無論多少次都係可以羸6成.重要的係命中率,而不是次數.
如何提升命中率,其實唔需要太複雜,歷史證明一切,大家可以用各指標同價位去統計一下,自然一目了然,邊個指標可靠?而本人亦很簡單,如作一個長線投資者,自然唔需要每天看市,只看日圖周圖月圖,各均線,RSI ,MACD等等,指標不需太多,其實已經足夠玩一世.你可以當我吹緊水,無問題,信不信由你.短炒好長炒好,其實都係依計行事.因為心理絕對會影響出手時間.咁不如唔用感覺,依指示行事.
資訊年代,指標已經不是秘密,事實上人人都可以學到,只要上網或在書局都可以搵到有關資料,故此指標的準確性或許有一日係慢慢降下來,事關大戶們也會捉著圖表派的位來行事,所以有所轉勢或突破時,勇可小注跟隨,穩則再觀望多時.心急一定易中招.但如看大方向,相信基本指標絕對可以幫到大家.
由於時代不斷加速,我相信響未來價位與時間上的比較不太可以用歷史來作參考,因為市場不斷演變中,已有的法則同指標的運用,又是否需要有所改良呢?
注碼問題
其實又係一個簡單的加數同乘數問題而已,每次注碼相同:假設你有6成命中率,每次set定10%止賺蝕.做10次交易,最後你可以有20%回報.但如果你一開始就將整份注碼去每次滾存,又會有什麼結果?就算你都係用以上的rules去玩,但最後係賺到不足20%的.大家可以運算一下.所以點去安排注碼又係一個重要問題.
此外,運用衍生工具問題,簡單d去研究先.假設正股升10%,如該衍生工具有兩倍摃干,即正股升5%就可以同時得到相同回報.如果同樣想正股升10%而有相同回報,即係話大家可以用少一半的本金來作投資.呢個正正是衍生工具的好處,主要係用來保留資金,可是,可能中國人賭性太重,日漸將衍生工具變做賭博工具,將大量既本金全押在衍生工具上,可惜的是,市場又是不是如大家的意願呢?萬一衍生工具因某d原因,如收回或到期時,就算之後股價點行,唔好意思,與你冇關.呢個時候邊個賺左呢?其實買衍生工具就已經唔抵,因為有溢價,所有有溢價的東西就唔公平了.所以一切的衍生工具如果係要用來投機的話,唔該,只短不長,一有咩事閃人,一定要認輸,本金在手,10-20%絕對好易追.如資金被困仲要慢慢減下來,到時真係唔拖唔水了.
正股方面其實也不需多談,大家只要留意公司的業績,財務報表等資料,分析行業前景便知.請做做功課吧.真係no free lunch.
別人貪婪我恐慌,別人恐慌我貪婪
市場上太多太多雜音,07年尾大家不是開開心心望下一年更上一層嗎?結果如何?今年同時也是萬眾一心,認為下年再插一下.是真是假,時間證明,但有一點好簡單,市場會聽多數的人說話還是少數的人說話?會聽散戶說話多還是大戶說話多?會聽賺錢的人多定係輸錢的人多?呢一點唔需要爭議,歷史其實真的不斷重演.
重演的歷史,就是我們的心態,由古至今理論上都未改變太多.請改變心態吧.難,但不是不能.
別信任何沒根據的言論,大家要的係證據,數據.再三提示,不要信任何感覺.
回望
好了,終於到了回望呢一年了,其實今年都唔太難講,咪就係直插囉.由08年1月2日高位27853,到暫時的低位10676.已有萬七多點的回落.或許大家在年頭時都唔知發生緊咩事,還以為是一個大回調,事關響3月低位20572反彈到5月高位26378時,大家仲充滿希望,就係呢個希望,令更多人絕望,熊市沒有反彈嗎?
到了7月低位21098時,亦有一個小小的反彈,可惜亦不夠力量,到兩萬三就已經停步了,8月時,hsi己經回到兩萬邊水平,更有人行出來說見底,大家又信?唉...又中招啦,之後外圍不斷爆出負面消息,不斷的急插,到9月18日,好似有一個大奇蹟日出現(低位為16283),大家又認為見底,又追.又中伏,之後到14398時,什麼分析員又衝出來說見底,低無奈又再插過,直到今年10月尾的10676,都係一樣有人說見底,不過已經沒太多了.咁果時又有冇人追貨呢?一定有,但少之有少,因為當時市場已經開始恐慌了.vix指數亦處於十分高的位置,大戶或許就準時機,短期內一下挾返上來,當然本人當時認為係大量平掉淡倉及老美"奧黑"效應所做成的.而年尾時段亦上上落落,此時更令散戶十五十六,唔買唔舒服.
其實由上年到依家,真係有好多人係buy&hold支持者,hold左成年了,結果如何?事實上,我絕不否認股價會重返家鄉,但時間是?唔知!!!咁你又失去了什麼?自己想想吧,為什麼當初不止蝕?為什麼不分析一下局勢?人云亦云,什麼19分析員差不多天天也叫人買什麼什麼,可是自己手上1手股票也沒有持有.市場事實上太多太多人只看升了.認為要先買入後賣出才對.但事實上市場亦可以先賣出,後買入的.請認真想一下.不再感性了,如果在年頭根據各指標數據行事,就算會輸,但也肯定不會太多,或許大家會說,本人依家講咩都係,係呀!我係講咩都得,因為大家係事後孔明嘛,都係果句,你可以依然信自己的方法去玩,贏的恭喜,輸的抵死!
不要再估頂底了,之前亦有討論過,你估頂底,最後只會中一次,但之前的擬似頂底已經輸多次了.而本人一早講不估頂底,順勢玩,破底追底,破頂追頂,我就最多錯一次,咁你想錯一次定係0岩一次?你自己決定!
展望
算了,過去已成過去,點追都追唔返,應展望將來.如果你是一個長線投資者,請不要只看來年,應再看多兩三年或更遠,如果你沒這耐性,咁唔好玩啦,把錢放響銀行啦.如果你是一個長線投資者,更不應日日看市,甚至可能一星期看一次也不應該,股價上升了10%20%便心動,又怎賺大錢呢???散戶點解賺少賠多,道理好簡單.
除非你係一個投機者,玩上落,但自己投機技巧有幾多呢?手中把劍又夠唔夠鋒利呢?投機者eq更加為重.
暫時來說,外圍各國都係差,但差中應穩,因為已經出手多次救市,你說大上,沒可能,什麼終極一跌,bullshit啦,事關到了之時大家又會望低d姐.市場應將會慢慢回復信心的.只不過大家要忘記上年的升勢,慢慢穩打穩紮咁行.迎接未來的牛市吧.不過係未來,未來不是來年,我都覺得自己有d廢話.不過沒人係先知,邊個敢行出來賭上自己身家的說明天升定跌?吹水就得,真係落場又點?大家心中有數.認叻就冇用的,最緊要係搵錢,好好準備把握每一個機會先係最實際.不過現時趁有機會回落時入市問題已經不太大了,仲可以跌多少?10000?8000?如大家望下次大牛的話,又怕咩呢幾千?總比20000以上入貨的人好嗎?但當然,一定要參考一切資料先,不要亂去入市啦.
希望
我真係有個希望,希望大家可以獨立思考,不要盲目信任何人的有理或無理的言論.市場沒有對錯,錯永遠是出於自己,輸就係自己出錯.贏就係自己做對.同時,大家一定要有信心,我覺得太多人信心不足,認為自己沒有成功的一天.係可以的,你不想成功,心中老是想沒可能,咁這一生就一定沒可能.你太年輕不可成巧嗎?非也,billgates什麼時候發達?大學也未畢業呢?你太老了,沒可能成功?非也,我地食緊的肯得雞又由誰創立呢?你讀書不多,不可成功?你看看李+x同老4又讀很多書嗎?不要再找借口了.希望大家樂觀地努力面對未來吧.
p.s.呢個post不打算出圖表,事關分析方面想過埋12月先再出圖表.此post為練心非練劍.多謝大家睇小弟的廢話.
[ 本帖最後由 君嵐 於 2008-12-27 03:19 編輯 ]
如果您喜歡這篇文章，請按「讚」或分享給您的朋友，以示鼓勵。
