偽情日記之解構慾女 倪震與21歲城大女學生張茆（Miffty ）偷食斷正後，跟女友周慧敏戲劇性地分手、復合、結婚，故事發展比連續劇更引人入勝，不僅被報章雜誌大肆報道，更吸引詹瑞文和蕭定一將倪震偷食事件分別搬上舞台和大銀幕。經常玩盡娛樂圈新聞人物的詹Sir ，昨晚在再次公演的《萬千師奶賀台慶》舞台劇中，反串扮Miffty 與「倪震強」風流快活，最終被牛頭馬面帶落地獄，冇好下場。
詹瑞文主演的舞台劇《萬千師奶賀台慶2008之豬肝補氣》，昨晚在沙田大會堂公演，因倪震、張茆和周慧敏這段錯綜複雜的三角關係掀起全城哄動，比電視劇《珠光寶氣》更吸引，故詹瑞文趁勢將倪震事件加插在今次舞台劇當中。
周慧敏前晚於倪震偷食斷正後，首度現身與男友食飯賀聖誕。
熱愛自拍及將性感照放上網的Miffty 張茆，與倪震一啜成名後，再被詹瑞文擺上枱。互聯網圖片
分析心理「有好多慾望想達成」
詹瑞文昨日在電話中說：「我今晚會扮Miffty ，佢又年輕又熱情，呢個女仔有好多空間、有好多慾望想達成，我想將呢樣嘢放大，例如佢好鍾意將自己啲相放上網，佢都係想交個男朋友啫，反而唔係講倪震同周慧敏之間嘅嘢。不過，呢個Miffty 都有個小學男朋友叫倪震強，佢同倪震強風流快活之後合唱關菊英嘅《事事未滿足》（鄭少秋主演電視劇《書劍恩仇錄》中插曲），最後俾牛頭馬面捉落地獄，相信今晚觀眾睇完之後會好震驚。」問詹瑞文為何只將焦點集中在Miffty 身上？他說：「倪震部份講得好隱喻，因為我主要係想從女性角度去睇呢件事。」問到他對倪震和周慧敏之間的分合有何睇法時，詹瑞文說：「呢個係現代愛情故事，外人唔知咁多，不過我自己都開心佢同周慧敏有更深嘅關係，佢哋幾經波折有咁嘅選擇，我好尊重佢哋選擇。我覺得倪震好了解娛樂圈，佢唔會逃避。Miffty 仲咁年輕，今次就當係一個戀愛經驗。」
故事精采蕭定一拍偷食電影
蕭定一表示有興趣將倪震偷食事件拍成電影。資料圖片
除詹瑞文外，蕭定一也有意將倪震偷食事件拍成電影，昨日他在電話中說：「香港娛樂圈好精采，本身09年我會拍兩至三部電影，而家仲度緊，倪震同周慧敏嘅古仔可以嗱嚟做題材，係考慮之列，原因係精采，人哋有興趣睇，睇佢哋做嘅雜誌封面咁好賣就知，我唔怕得罪佢哋，因為我又唔係指名道姓。」問蕭定一會否邀倪震親自演出時，他說：「唔會，我以前搵過佢演電視劇《伙頭智多星》，過陣想搵佢做才子，但佢話唔鍾意做幕前，所以推咗。」再問他是否有興趣找張茆合作時，他說：「角色問題會言之尚早，我知佢唔喺香港，如果佢返嚟見面再講。」採訪：林妃
詹瑞文昨午打扮成Miffty 的模樣，為晚上公演的《萬千師奶賀台慶》綵排。
FROM: 頻果日報
