早幾日，媽咪姐撞到趙碩之，佢好開心咁同媽咪姐講，話佢嘅業主大計可以實行啦。「經理人話俾我知，我呢排賺嘅錢，已經夠俾首期，我目標係買二百零萬嘅單位上車先，將來搵到再換間大啲嘅！」
嘩，一層二百零萬嘅樓，首期俾三成，即係接近70萬啦。趙碩之由7月嘅《盛裝舞步愛作戰》竄紅，到依家不過4個月，已經搵到咁多錢，所以話，女人嘅搵錢能力真係唔可以睇小。
不過，搵錢係要付出代價嘅，呢個聖誕節，趙碩之就接咗超過十個騷，平均每日走兩場。此外，佢又幫潮服品牌Acupuncture 拍咗輯宣傳相，雖然唔係代言人，但都有5位數字酬勞！
趙碩之啱啱11月至21歲生日，已經可以有樓揸手，真係羨慕死唔少妹妹仔，媽咪姐都要讚佢一聲：叻女！
雖然只收幾萬蚊酬勞，但拍宣傳照時，趙碩之毫不惜肉，豪乳左唧右唧，拗埋腰都得。
趙碩之話接咗超過10個聖誕騷，價錢仲加咗20％至30％，認真和味。
