迎接聖誕節全城都瀰漫着一股歡天喜地的氣氛，相信姊妹們跟模諸葛梓岐（Marie）一樣，很喜歡在這個節日與三五知己共聚，更可以趁機扮得靚靚在派對中搶搶鏡。不過，遇着今年經濟不景，買衫扮靚都要慳住慳住。有見及此，Marie就示範如何二千蚊唔使變身Party Queen！
人走紅了，工作自然接踵而來，難怪近日於大小公開場合都見到Marie的蹤影啦！今年聖誕，雖然Marie要在工作中度過，但仍無損她的興奮心情。早前Marie就到又一城欣賞二十一米高的聖誕樹，感受一下濃厚的聖誕氣氛之外，還一口氣換上四套平、靚、正的派對服飾，由頭到腳計計埋埋都不用二千元，認真抵玩！
閃片紅衣不可缺
在派對之中，想成為眾人的焦點，華麗裝扮一定走唔甩。以Marie所穿着的服飾為例，大多挑選飾以閃片素材、印有花喱花綠的布料、搶眼的紅、粉紅色調為主，感覺高貴又大方。Marie表示：「每年聖誕，派對一個接一個，絕對要扮靚靚，我會揀搶眼色調的連身裙，配以五顏六色的Leggings及高跟鞋，着後相當有女人味。」
