王敏德昨日在維園出席活動，他透露聖誕放假會和太太馬詩慧、仔女開派對慶祝。市道欠佳，王敏德謂現時事事都慳，他說：「聖誕禮物未諗到，之前收到好多cash coupon ，可能同啲仔女一齊用嚟買禮物，而家市道唔好，唔好使咁多錢，食嘢都簡單咗，坐車出入我做司機。」
祝倪周開心
慳家令下，仔女可有扭計？王敏德說：「都有畀錢佢哋買啲鍾意嘅嘢，同埋每個月都有畀零用錢。」對於倪震事件，他謂不願多作評論，他說：「無論如何，希望佢哋開心，每對情侶都有好多風浪，我哋都好多，我哋結婚16年。」有否七年之癢？他說：「我七年之後已經周身痕，而家就OK ，可以睇到前面有一對公公婆婆，就係我同老婆，好開心。」採訪、攝影：Rachel Wong
市道欠佳，王敏德慳家大計多多。
FROM: 頻果日報
