早在年中拍嘅偶像劇《原來我不帥》，不單只收視唔差，仲令JJ 搵到心中女神，一舉二得啦！
最近單拖阿Sa 拍住新加坡歌手林俊傑（JJ ），合唱一聽就識唱，夠晒入腦的〈小酒窩〉hit 爆，率先在週日勁歌優秀選嗱獎。
27歲JJ 林俊傑在台灣、大陸人氣勁，而且年中同台灣女神曾愷玹拍偶像劇《原來我不帥》之後，即傳出暗戀曾愷玹，仲在〈小酒窩〉內玩暗示，送給親愛的女神！冧爆！
壓住攬
JJ 同曾愷玹響劇中做情侶，仲有場室外咁激嘅咀戲，唔知係咪呢幕撻著呢？
動真情
《原來我不帥》擺明話JJ ，但原來JJ 拍住曾愷玹又異常地合襯，2人做情侶好啱feel ！
來自新加坡的林俊傑（JJ ），03年出道，憑作曲填詞加把靚聲，早在台灣、大陸走紅，一直未有參演偶像劇的他，今年中亦處男擔正，與女主角曾愷玹，定情《原來我不帥》一劇。
急飛女
JJ 有一個傳足4年嘅韓文系大學生女友Yumi ，不過今年10月，JJ 就自爆冇同Yumi 聯絡成個月，相比之下，曾愷玹多一分女人味囉！
舊女Yumi
冧詞
曾愷玹有齊晒JJ 〈小酒窩〉入面嘅長睫毛、小酒窩同埋靚笑容，乜咁啱呀！
線索明顯
其實JJ 早有一拍拖4年的大學生女友Yumi ，不過大膽表示心中女神另有其人。「她擁有長髮、雙眼皮；還有淡淡的酒窩、長睫毛，笑起來很甜美，她拍戲的。如果我早一點認識她，一定追她！」JJ 更說已約會女神，早前曾一起看《蝙蝠俠之黑夜之神》。
愈講愈興起，JJ 收唔到口：「新專輯里面，〈小酒窩〉就是為她而寫的。」適逢JJ 拍《原來我不帥》時已公開說很欣賞曾愷玹，新對象，真係似層層！
週日（14日）JJ 出席勁歌季選時，卻帶記者遊花園：「（聽說〈小酒窩〉是你送給曾愷玹？）唔……哈哈……是給我以前的女朋友！（那曾愷玹呢？她不錯吧？）呀……其實我們自從《原來我不帥》之後都變成了好朋友，她還罵我為什麼新專輯沒有找她當MV 女主角呢！我欠她了！」
R&B 殺女
出過6隻碟的JJ ，03年憑一首〈江南〉在台灣、大陸走紅，其實仲紅過在家鄉新加坡。由於曲風輕快，走R&B 情歌路線，故大部分為女fans 。JJ 自知樣貌不及言承旭、吳尊等人，故曾表示會專心做音樂，對於拍劇、電影都不會亂嚟。
不過為咗女神，JJ 點都要拍劇囉！
出道5年的JJ ，識作曲又擅長唱R&B ，加上塊面小小baby fat ，個身反而有肌肉，台灣、大陸一樣hit 。
林俊傑
阿杜
黃靖倫
坡仔hit 榜
第1位
林俊傑03年出道至今出過6張唱片，〈江南〉屬最為人熟悉嘅一首，同時充當創作人嘅JJ ，張惠妹的〈記得〉、Twins 的〈我很想愛他〉都出自JJ 手筆。
第2位
阿杜，原名杜成義，其沙啞的嗓音聞名於華語音樂界，〈堅持到底〉應該係香港人最熟悉嘅歌曲。
第3位
黃靖倫從新加坡去到台灣參加第三季星光大道更晉身前10強。剛於上月推出新碟《倫語錄》，主打歌為〈月光〉。
孖J 有運
阿Sa 冇咗阿嬌後，唱親歌都得番自己一個，今次拍住JJ ，唔知係咪定番晒呢？
JJ 同阿Sa 上週落旺角宣傳新碟，fans 各參半，睇嚟JJ 今次拍住阿Sa ，其實都開拓咗香港市場喎，互相利用冇壞！
孖女唔賣
Twins 出過3張國語碟，可惜反應麻麻，即使狂上綜藝節目宣傳都冇乜效！
明益阿Sa
阿嬌自從年頭淫照事件後，翻身無望，阿Sa 惟有獨力頂硬上，要單手拍掌，好難！
據知英皇為幫阿Sa 打入台灣市場，找來JJ 做中間人。「阿Sa 同JJ 合唱咗〈小酒窩〉後，響台灣反應好好，多個綜藝節目都搵緊佢上，而且下年年頭阿Sa 又開始拍台劇，今次呢首歌真係對佢有好大幫助。」知情者說。
俾阿Sa 過橋嘅JJ ，力撐阿Sa ：「這首歌是我覺得阿Sa 很適合，所以特別找她的。」JJ 咁大方，又力撐拍檔，抵你紅喎！
