本月6日凌晨，44歲倪震在蘭桂坊被拍得與21歲城大內地女學生張茆（Miffty ）濕吻5分鐘。
偷食斷正冇得抵賴，倪震公開認錯，坦承自己「做錯」、「愚蠢」、「令伴侶蒙羞」，事隔5日，兩人還分別發聲明公開分手，週日（14日）倪震還接受週刊專訪，在訪問中三度落淚自認係瘟神。
倪震於本週四（18日）單方面發出聲明宣布與周慧敏正辦理結婚登記手續，09年正式拉埋，繼續他的一場好戲。
18/122:00pm
急回周家提親
狐狸妹Miffty 哭返老家
偷食照結婚 周慧敏犯賤嫁倪震
當大家以為周倪19年情斷纜，但本週四（18日），又有戲劇性進展，負心郎倪震漏夜求婚後，單方面發聲明，宣布已跟周慧敏申請註冊結婚，聲明強調：「一場風波，令我們更了解互相的愛……慧敏答應嫁給我了，我們已申請註冊結婚。祝福我們吧。」
城大妹Miffty 敗走海口，玉女掌門人就蠢嫁倪震，點樣計，倪震都舔到盡，完全符合其一貫計過度過冇蝕底的「才子」本色！
祝未來倪太好運。
未同倪震撻著前，周慧敏曾與Radias 主音陳德彰拍拖，當時呢張泳衣相好哄動㗎！
91年劉錫明同周慧敏拍無線劇《烏金血劍》時，劉因一句「好欣賞周慧敏」而被倪震在自家雜誌《Yes!》中封他做「毒瘤明」，最後劉被迫離港發展。
倪震與周慧敏相識於88年，由於二人當時曾一齊在港台任職DJ ，一撻即著。
97年移民高峰期，倪震孖住老豆倪匡、倪母、周慧敏齊齊遷居加拿大生活。
移居加拿大後的倪震和周慧敏，過著半退休生活，閒時去打吓羽毛球，寫意到啊！
03年倪震回歸香港，並於商台主持《絕情谷》，加埋寫報紙專欄，周慧敏啜面撐場。
回港發展，倪震除做DJ 寫專欄外，更在灣仔王子酒店開設桌球室，仲搵嚟周慧敏撐場。
排期09年1月
周慧敏在分手聲明中強調，倪震「絕對犯得起這個錯」，一早原諒男友，事實上19年來玉女敏的確愛得癲蠢，即使面對男友近年的緋聞，如陳穎妍和奀模Esther，甚至早年的陳法蓉、名媛姚樂碧，都隻眼開隻眼閉，今次忽然結婚，網友更罵周慧敏「犯賤」。偷食加速拉埋，一月擺酒，真係天荒愛未老，風流才子果然有計。
兩年前周慧敏曾講過：「假如另一半想結婚，我也會配合。我不抗拒婚姻生活，不過最重要的是生活要過得幸福、快樂。」以往不介意名份的周慧敏，近年感到男友倪震愈來愈花心，今年中曾要求註冊結婚，原本倪震想拖，但經周慧敏再三要求，終於同意在09年新年前排期註冊。
可惜最近因被影到與城大女生張茆於蘭桂坊濕吻，19年情突然斷纜，到本周四（18日），倪震卻急轉彎，單方面發出聲明，指已跟周慧敏排期註冊結婚，其實女富男貧，倪震絕對娶得過。
周慧敏身為「玉女掌門人」，呢身谷胸宮廷服都算經典。
06年周慧敏開復出演唱會，倪震扮周慧豹做神秘嘉賓，冧死Vivian 。
離婚女方要畀贍養費
周慧敏於91及96年購入的兩個跑馬地金山花園單位，則由周慧敏名下的「Deekai Limited 」公司持有，現市值合共約2千多萬，一直以來該公司股東只有周慧敏及周母，直至06年倪震於周的復出演唱會因扮周慧豹冧掂周慧敏，同年「Deekai Limited 」忽然加入倪震成為股東之一。
有指倪震近年官非纏身，04年控告《東周》誹謗而被反告的官司拖足4年，事業一直插水的他隨時一無所有，倪震如有破產或錢債事務會否連累股東周慧敏？資深大律師黃國桐說：「其實倪震做董事只係虛銜，佢唔係股東，所以佢破產或負債，唔關股東事。不過倪震同周慧敏結婚後，如將來離婚，女方收入多過男方，女友要俾贍養費。」惟有祝倪同周白頭到老囉！
張茆媽在家用相機偷拍記者。據知她對倪震甚不滿，女兒亦哭斷腸。
連日來疑似張茆弟弟的男人，自出自入張茆位於海南島娘家。
張茆（Miffty ）樣靚身材好，仲大把青春，難怪引到倪震啦！
狐狸妹Miffty 哭走海口
張茆愛將自己的性感泳衣照放上網，偷食事件發生後多日，仍陸續有新相曝光。
倪震被影到與城大女學生張茆響酒吧偷啜，事後即刻公開道歉認錯。
Miffty 最愛自拍，去到邊影到邊，連去宜家傢俬都影一餐。
從偷吻到結婚 倪震的12日大龍鳳
由本月6日凌晨到本週四（18日），12日內，倪震和周慧敏從分手變成夫妻，真夠戲劇性，令全城嘩然。
偷吻女主角城大妹張茆繼續潛水，倪震卻在週刊專訪中三度落淚兼堅拒復合，更說自己的偷食行為，以「是我以一個成年男人發揮魅力，在夜場孔雀開屏的惡果。」Drama King 上身。
一場好戲演足12日，霸足娛樂版C1多天，聲明出招，玩完雙方分手又到單拖結婚聲明，其實最應棍還是據倪震聲稱周慧敏在事件後，傳給他的電郵內容：「都係你唔夠愛我啫！」你唔夠愛佢，佢照嫁你！死未！
還是白姐姐挑通眼眉，一早明言兩封分手聲明均出自倪震手筆，又批死兩人一定復合，當中幾成真幾成假，娛己又娛人就得！
14/12殘爆蒲頭
倪震週日首次現身陽明山莊，當時佢眼紅紅向在場記者承認：「我做錯事，我決定面對同承擔！」
15/12繼續生活
偷食事件發生後，倪震仲有心情同朋友去金鐘睇《地球停轉日》，唔通佢當時已經計劃好「先分手，後復合」呢場大龍鳳？
16/12信教洗底
連續現身三日的倪震，笑容滿面搵舉辦過棟篤笑福音晚會的林以諾牧師，林牧師稍後與倪匡做talk 騷，倪震順勢懺悔喎。
《蘋果日報》圖片
18/12上玉女竇
倪震發完結婚聲明後，駕車從陽明山莊直接去愛巢金山花園，不過全程沒有回答記者問題。
網友對於周慧敏肯嫁俾新賤男倪震踩多過讚，咁又係，多次偷食斷正嘅男人都肯嫁，確係犯賤咗啲喎！
網友狂鬧：影衰女人
倪震忽然出聲明話同周慧敏結婚，倪震叫人祝福佢哋，可惜網友似乎對兩人拉埋唔多睇好，仲有網友話周慧敏原諒倪震兼結婚係「嗱嚟賤」同「影衰女人」，玉女今鋪冇乜人撐喎！
蕭定一：希望會改
結婚係倪震挽救image 嘅方法囉，以前佢唔滿足，希望會改啦。再搞女嘅機會好微，因為冇人再受佢溝啦，以香港嚟計！
白韻琴：唔使做騷
睇佢哋嘅性格就估到會結婚啦。唔使恭喜啦！喜事嘅嘢自己匿埋搞得喇，唔使做show 畀人睇！（倪震會唔會再搞搞震？）有啲嘢就算我睇得出都唔會講晒出嚟。
蕭若元：唔通咒佢哋咩
結婚都好，阿Joe 都有誠意嘅，婚後有咗承擔希望改變到佢。都結婚咯，唔通咒佢哋咩，恭喜佢哋囉。
石詠莉：唔好亂add 人
結咗婚（指倪震）唔好再響facebook 亂add 人喇，佢個婚宴搵我哋跳舞唱歌都冇所謂㗎。
號外
