6/129:05pm
出事當晚最新圖片：倪震同城大女生張茆響老蘭劈酒激咀當晚，周慧敏正獨自在銅鑼灣Sogo 揀絲襪，見佢打極電話冇人接聽，如果佢當時係搵緊倪震，難怪冇人應喎。
本月6日深夜，44歲倪震（Joe ）於蘭桂坊被影到跟21歲城大內地女學生張茆（讀音：牡）濕吻5分鐘，再一次偷食斷正，41歲的周慧敏（Vivian ）焗住不能再裝聾扮啞，倪震亦借勢掟煲，19年情玩完。
就在倪震偷歡當晚，本刊已發現被男友撇甩的周慧敏孤伶伶shopping ，而正所謂冰封三尺非一日之寒，據知情人士透露，其實倪震早於2年前已在他與周慧敏有份經營的美式桌球室「𥄫」中樣靚身材正的張茆，更預留私人locker 給對方波樓培慾，其間又不斷暗交年輕貌美的
妹客，當正波樓係瘟女平台，完全當正印周慧敏死嘅！
慳妹Vivian 專攻$50有暗花網紋絲襪（右圖），雖然夠晒女人味，點知倪生口味趨向青春野性囉。
揀完絲襪，又揀衫，Vivian 一個人孤伶伶行街，男友風流快活陪
妹，她仍懵然不知。
就在倪震被影到於蘭桂坊酒店Azure 啜爆城大女生張茆同一晚9時許，記者發現周慧敏獨自到銅鑼灣崇光買絲襪。
當日41歲Vivian 樣子憔悴，冇嚟心機，她先到3樓女裝部左睇右睇冇收穫，再轉去揀絲襪，主攻黑色網紋有暗花的性感款式。其間Vivian 不斷打電話，但對方卻不接電。Vivian 惟有繼續孤獨shopping 至10時許，崇光差不多關門才單拖離開。
21歲辣妹
原籍瀋陽，家住海南島的張茆，身材惹火，青春無敵的她最愛自拍性感相，難怪自稱陷入「中年危機」的倪震頂唔順。
波樓平台
據了解，當年為追周慧敏無所不用其極的倪震，近年當正Vivian 係公關，響波樓替他拉客，「佢當正阿V （周慧敏）係阿四，叫佢招呼啲男賓客。」知情人士更透露倪震喜歡把波樓視作溝女「平台」，「佢見到啲又靚又索嘅
妹就會好主動，仲成日叫啲
妹介紹多啲女仔嚟玩，嚟親都唔收錢任篤波任食任玩；佢試過睇中一個18歲好恨做明星嘅
妹仔，成日響人哋面前吹噓自己識邊個邊個明星，冧到個
妹以為黐住佢可以入到行，有晚佢約個
妹上波樓樓上皇雀會唱K ，其間佢借醉咀埋個
妹度，嚇到個
妹走頭，點知倪生仲即場發惡大鬧個
妹：『我以後唔準你再嚟打波。』」倪震用波樓做溝女平台，據知舊年被影到同倪震撐枱腳的25歲奀模Esther ，亦係倪震在波樓認識的。
傳聞張茆因為怕被傳媒影到，所以向城大請假，她已有超過一星期沒返大學宿舍。
暗溝2年
44歲的倪震愈溝愈後生，兩年前他就在其波樓「𥄫」中當時只得19歲、上圍豐滿腰又幼的張茆，並提供私人locker 給她，免費任食任玩等她可以上波樓跟他做落腳鐵竇，據知一向忍得的Vivian 雖然一早已從友儕中得知倪震有古怪，但她一心諗住男友玩厭就收手，一直採鴕鳥政策啞忍。
被同學藐
盛傳已靜靜雞返海口市避風頭的第三者張茆，06年於海南海口第一中學高中畢業後，就考入香港城大市場系，據她的同學表示，張茆讀書成績一般，不過並非外傳般經常「走堂」，而且只跟內地學生埋堆，「本地學生唔鍾意同大陸妹玩，嫌佢哋娘，所以佢哋咪刻意扮潮，仲成日約埋出去玩。」
爆出跟倪震濕吻後，張茆在blog 中公開二人於12月5日到香港外國記者協會約會的合照，她說：「現在才知他是倪震。」
方便「直落」
倪震的Joe's Billiards &Bar 桌球室位於佢老友關國基所開的王子酒店2樓，由於不設VIP 房，靠近入口的波枱及卡位位置就成為倪震招呼索女的專區，估唔到周慧敏除了男友要同人分享，連波枱都一樣。倪震通常篤完波想繼續happy ，上酒店房或關國基所開的3樓皇雀會卡拉OK 就最方便，包冇人發現。
溝女專區
06年1月，倪震、Vivian 同朋友夾份投資在灣仔王子酒店開桌球室。Vivian 亦經常陪伴倪震到波樓篤波，係名副其實「跟得」女友。而倪周二人的篤波範圍，亦是張茆與倪震的煙韌地帶。
黐車
倪震出入黐坐Vivian 嘅寶馬，亦係由佢05年以33萬買入。
黐住
周慧敏跟母親以公司名義DEEKAI LIMITED 持有兩個市值共3千萬、位於跑馬地金山花園的豪宅。倪震雖然不是DEEKAI 的股東，但他是該公司董事，所以有權反對周慧敏買賣該物業。
周慧敏一直啞忍倪震大男人性格，二人即使拍拖行街，周慧敏總會行慢幾步跟響身後。《壹週刊》圖片
黐住黐車
憑創辦
仔書《Yes!!》及主持港台節目《三個寂寞的心》成為事業唯一得意的倪震，97年易手《Yes!!》後，隨即移民加拿大。
03年有傳他經濟出現問題被迫與周慧敏回港搲撈，之不過一向愛面子的倪震極力否認自己唔掂之餘，06年他更宣布與周慧敏夾份於灣仔王子酒店經營美式桌球會「Joe's Billiards &Bar 」。
記者翻查資料，發現桌球會是由三間於英屬處女島註冊的公司持有，並未能確定股東身份。而回流後的倪震更搬進周慧敏與母親持有的跑馬地金山花園豪宅，出入亦由周慧敏名下的寶馬房車接管接送，一毫子都唔使使。
兩份聲明都有錯字，身為才子的倪震將引咎寫成內疚的「疚」、又將「檢點」寫錯成「撿點」，文中亦夾雜了簡體字和兩岸三地的不同用字，佢都好急趕吓。
倪震金牌編劇
自命風流才子的倪震，上星期四（11日）跟周慧敏齊齊發表分手聲明，兩份聲明除咗有不少錯別字外，更有人認為女方的聲明亦是出於倪震手筆，推斷是倪震在自編自導自演。本刊就找來最近喪插倪震的第一代才子蕭若元，分析一下兩封聲明，推測兩份聲明極有可能出自同一人手筆。
殘爆認錯
偷食斷正後傳聞去咗廣州「潛水」的倪震，本週日倪震突然現身陽明山莊。當日樣子極殘的他承認犯錯：「我做錯事，反省咗一個禮拜，我決定返嚟面對同承擔，我會堅決面對，辛苦大家！」
才子蕭若元
「文筆技巧唔似周慧敏！」
真正才子蕭若元看過聲明後有懷疑，「周慧敏份聲明，文筆技巧唔似佢寫嗰本《我的貓兒子周慧豹》（04年），因為呢份聲明寫得好啲，亦同倪震嗰份聲明嘅技巧同風格差唔多。內容似幫倪震鬧傳媒（指『我看到了很多無比荒誕、狠毒、涼薄的炒作與（詛）咒……』）幫佢說話，會唔會兩份都係倪震寫？我就唔想想再comment 呢個人喇！」
記者近日到過城大了解，這位城大市場系一年級的林同學表示連日未見張茆的影蹤。
城大學生爆料：「佢成日帶仔上房。」
超自戀的張茆本來有一拍拖6年的內地男友林鵬，但張來港入讀城大並認識倪震後，即飛起在北京體育大學讀書的男友。有城大學生更對本刊爆張茆常帶不同男子上房：「宿舍保安話張茆成日帶唔同男仔上房，經常半夜靜靜雞出去蒲，所以保安對佢特別有印象。」
與倪震偷情被踢爆後，原本上週六要返城大考試的張茆並未現身，有傳她已申請延期考試。
本週日晚，倪震於他現暫租住的陽明山莊服務式住宅外向傳媒公開認錯後，翌日傍晚他便跟三名男友人及一名女性朋友離開陽明山莊到金鐘太古廣場睇戲，冇周慧敏黐實的倪震，果然成個鬆晒。
搞Les
殺仔張茆經常與城大蒲精同學MoMo （左）結伴夜蒲，更不時咀咀，被人話「Les 」都懶理，果然作風豪放。
上堂晒腳
上緊tutorial 嘅張茆都要晒41吋長腿，迷到倪生話咁易啦。
浴室自拍
自拍成狂嘅張茆響城大宿舍廁所內沖完涼著住浴袍都要自拍，唔怪得佢相簿已累積有140萬人次瀏覽。蕭定一都想簽佢做明星啦！
晒蛇腰
張茆除咗上圍豐滿，仲經常露出自己條蛇腰，唔怪得可以輕易殺仔。
超自戀
身高1米68，擁有豐滿上圍兼41吋長腿的張茆，經常玩自拍，狂騷身材，睇得出佢極度自戀。
'08
'05
飛男友
張茆跟海口一中的男同學林鵬（左圖右）拍拖6年，林鵬特別紋咗個「M 」字紋身響背脊作為張茆21歲生日的禮物。張茆18歲生日時，二人到卡拉OK 房慶祝，不過林鵬響blog 度話張茆愛名牌，他滿足唔到女友而分手，而張茆亦在blog 上直認自己貪慕名牌（右圖）。有傳林鵬因知道張茆搭上倪震而火遮眼，把她的半裸床照公開。
真品
張茆愛叫男友送名牌，米蘭站高級經理Tony 證實張茆這個LV multi-color monogram 是真品，值萬多元。
A 貨
但這個疑似Chanel 2.55的手袋，Tony 說是A 貨，「正貨條孭鏈內冇皮嘅。」
海口直擊︰師弟見過
記者到訪張茆就讀的海口一中，有學生認出她常到市中心一個賣潮物的商場shopping 。
拜金女
今年21歲的張茆（Miffty ）祖籍瀋陽，傳聞她的父親是醫生，在海南島海口市開設連鎖診所，家境不錯；張茆3年前於海口市完成高中課程後，便考入城大，主修市場學。而據她的同學透露，張茆平時也跟其他內地留學生一樣被本地學生歧視和排拆，不過她亦頗爭氣，唔單只成績不錯，也沒有頻頻走堂。而極崇尚名牌的張茆除了平時返學都孭著過萬元的手袋外，更喜歡「屈」男友送名牌，她更試過將屈前男友林鵬買名牌眼鏡的過程寫在blog 上，更大彈對方醜樣完全唔理男友感受。
唔少網友都在論壇上討論有大學生靜靜雞做「Hall 雞」，就連每次交易收費都寫埋出來。
記者訪問大學校園內多位交流生，唔少都聽聞有內地學生做「Hall 雞」。其中兩位來自地中海國家交流生話身邊有女同學賣肉求榮，相信學校亦難完全阻止。
U 界醜聞「Hall 雞」橫行
21歲城大女學生張茆的豪放私相被公開，更被指是狐狸精，令城大形象無辜插水，但張茆的豪放只是U 界的冰山一角。有九龍區某大學的保安向本刊爆料，指近年由內地來港升讀大學的內地女學生，有小部分害群之馬為賺錢交房租及買名牌，不惜在校園內提供另類服務，而交易亦因為多在宿舍房內進行，校方若要調查，有一定困難，顧客對象主要為內地或外國交流生。
上週六，記者亦專程到某大學訪問多位內地及外地來港交流的大學生，有男學生更向記者證實的確有「Hall 雞」在校內「搵食」，意譯如下：「我知身邊有女學生咁做，通常係交流生，唔係香港人，佢哋為咗搵錢交租，乜都肯做。」
由於一旦被校方發現有機會連書都冇得讀，所以「Hall 雞」通常接客都好小心，除了招攬生意靠熟客「口碑」外，交易地點亦會選擇以隱蔽地方，每次服務收費達一千元，但亦有按客特殊要求加碼。
「Hall 雞」交易現場︰廁所內、宿舍房間、宿舍廚房
大小通吃
老豆係大作家倪匡，所以即使44歲倪震不事生產事業下滑，兼為人記仇縮骨，單靠老豆朵咬文嚼字都一樣冧到女。跟周慧敏拍拖19年期間，倪震不斷暗交已婚名媛同港姐，即使係奀星或奀模佢都有殺錯冇放過。
Freeze 石詠莉
裴蓓
雨僑(羽翹)
網上溝
'05︰Freeze 石詠莉
3年前倪震曾透過交友網「friendster 」結識身材勁索、未入行的石詠莉，更開宗明義約對方出海，可惜女方唔落
，石詠莉話：「佢當時係周慧敏男友，佢約我單獨上船，我覺得好奇怪囉，所以我一口拒絕咗佢。」
'08︰裴蓓
倪震最近透過「facebook 」約會內地名模裴蓓，裴蓓說：「他主動『add 』我，說在報章雜誌見過我，他讚我很漂亮，還邀我到他的枱球室，但我沒有理他。」
'08︰雨僑(羽翹)
「Friendster 」out 咗，倪震即轉玩「facebook 」，結交23歲的樂壇新人、於電影《出水芙蓉》著三點式演出的雨僑(羽翹)，雨僑(羽翹)直言倪震約過佢食飯：「我同佢唔熟，所以冇去，話遲啲先。」
周慧敏
陳穎妍
Esther
跟入屋
'89︰周慧敏
周慧敏初出道時與組合Raidas 主音陳德彰拍拖，雖感情穩定，但當時剛與李嘉欣分手的倪震，因主持港台節目認識周慧敏，遂管接管送兼發動電話攻勢，最後成功搶走周慧敏。其間因不滿劉錫明公開表示欣賞周慧敏，倪震在旗下雜誌長期以「毒瘤明」攻擊情敵。
'06︰陳穎妍
06年TVB 姐仔陳穎妍自爆倪震曾以玫瑰及SMS 攻勢追求她，男方更被影到摸上陳位於何文田的香閨。事後倪震否認追求對方，陳因此爆大鑊：「佢（倪震）成日溝女，只係好多唔係圈內人。」
'07︰奀模Esther
倪震被影到與25歲奀模Esther 於灣仔食牛肉麵撐枱腳，事後更踩上女方香閨短聚兩粒鐘。有傳周慧敏為此事而分居，最後倪震安排肯尼亞箍煲之旅才翻兜。
李嘉欣
陳法蓉
姚樂碧
傅穎
寫情信
'87︰李嘉欣
大美人李嘉欣未當88年港姐冠軍前，已跟倪震拍拖。有指當年倪震已做觀音兵接送嘉欣返學，更狂寫情信冧對方。
'94︰陳法蓉
周慧敏跟倪震分手後，便跟陳法蓉極速撻著，有指當年倪震以送花及情信攻勢冧掂陳法蓉，可惜2年後分手收場，再與周慧敏復合。
'98︰姚樂碧
98年倪震為已婚名模姚樂碧的新書《隨意隨心》寫序，以一句「言談上達到頗為劇烈的高潮」而傳出二人有曖昧關係。畸戀被揭後，周慧敏即從加拿大返港攤牌，倪震才公開跟姚樂碧絕交。
'06︰傅穎
06年倪震再用文字冧功，於《新假期》雜誌專欄中大讚傅穎有女人味兼雙眼似貓，一年後更傳二人秘密撐枱腳。
