事事要請示公司的雨僑(羽翹)，始終沒有應倪震的約。
倪震風流史，愈爆愈有下文，蕭定一公司旗下的歌手雨僑(羽翹)，更是倪震獵物之一。記者在倪震和雨僑(羽翹)的Facebook內容中，發現倪震曾主動約雨僑(羽翹)食飯，為達到目的，不惜踩已拍拖二十年的女友周慧敏（Vivian）老，希望身邊女友日日新鮮。
蕭若元在前晚的「變靚Ｄ纖體美容集團晚宴」繼續狂轟倪震不思進取，只懂追女為樂：「五年前我已經同佢講要搵番啲正經嘢嚟做，當時佢同我講話想喺寫作上面有成就，五年過去，你睇佢寫過啲咩！年近半百仲係一事無成。」
被斥篤波追女唔做嘢
蕭若元又指跟倪震的緣分到此為止：「佢唔係日日篤波就係上網溝女，我知嘅事實就係佢成日都約雨僑(羽翹)去街、食飯，佢真係好努力日日上Facebooko架噃！佢依家已經係四十幾歲，浪費晒啲才華，希望佢今日開始做番啲嘢，（戥倪匡可惜？）我不嬲冇期望自己仔女有咩成就，做人應該向自己生命負責。」
雨僑(羽翹)被問到是否被倪震於網上力追時靦覥的說：「有普通約吓食飯，佢係蕭定一介紹我識嘅，不過之前佢已經喺Facebookadd咗我，（幾時開始傾？傾啲咩？）大約兩個星期前啦，佢係咁問我工作上嘅嘢，因為我同佢講好欣賞周慧敏，話佢嘅玉女形象好成功，倪震就同我分析玉女路線啱唔啱我。（約你食飯？）喺電話度禮貌上ｼ，（有冇應約？）冇，我話係咪應該約埋阿一，你又有女朋友，係咪唔太好呀？你女友仲咁靚……」不過，據悉倪震回應謂：「幾靚都會老啦，你嘅年紀，差不多係佢嘅一半呀！」
記者就此事向雨僑(羽翹)了解，她驚訝地說：「你點知？涉及周小姐嘅嘢，我唔想講太多，一切交由公司處理。」
記者又根據雨僑(羽翹)跟倪震的Facebook對話中，發現Joe Nieh（倪之英文名）與Ava Yu KiuLiu（雨僑(羽翹)之英文名）的對話中不停踩阿一（蕭定一）不濟，指他底薄，只懂行險（着），藝人簽他的公司沒有可為等，之後JoeNieh更向對方稱「你請我食飯我一定到」。
你請我食飯我一定到
阿一對倪震想溝雨僑(羽翹)一事說：「我有聽過，但詳細內容唔記得咁多啦，不過，我覺得佢一定有興趣啦（追雨僑(羽翹)），我都介紹咗雨僑(羽翹)同Freeze畀佢識，點會淨係約雨僑(羽翹)一個？（佢喺Facebook踩你cheap喎？）私下聯絡我個藝人都算嘞，仲要話我唔好，我覺得佢冇義氣，人格有問題。」記者再就此事聯絡倪震的父親倪匡，他一接電話便掛線，而倪震則未有回覆。
雨僑(羽翹)Ava
原名：廖雨僑(羽翹)
出生日期：1985年8月5日
學歷：香港大學生物系畢業
身高：1.67米
三圍：34、25、36
簡介：為無綫高層何麗全的世姪女，去年拍電影《出水芙蓉》被一元製作室有限公司睇中，以清純形象闖樂壇。現時與蕭定一等於網絡電台MyRadio主持《大把戲》。曾參與電影《出水芙蓉》和《傷城》演出。歌曲作品有《待你差只想你怕》及《私事公辦》等。
