倪震身邊有個拍拖20年的絕頂好女友Vivian ，但仍一次又一次偷食，看來今次無之前咁易收科。《蘋果日報》圖片
41歲的周慧敏，拍拖廿年來對倪震一條心，可惜男友卻身邊索女冧冧轉。不過倪震一向玩得小心，所以每次在女友面前都「拆」得掂，而周慧敏亦惟有隻眼開隻眼閉。但上周六倪震與城大女交流生Miffty （張茆）濕吻照片公開後，大話被拆穿，周慧敏再難扮懵，更怒氣
逐男友出愛巢，倪震惟有到廣州暫避鋒頭。
知情者透露，以往不介意名份的周慧敏，其實亦心知男友花心，為了縛住男友，今年年中曾要求註冊結婚。初時倪震想採取拖字訣，但周慧敏再三要求下，終於達成共識在新年前排期註冊，無奈東窗事發，結婚變分居，令周慧敏傷透心。
3/12沾沾自喜
濕吻女角Miffty 在個人網誌今個月3號及5號日記內，明示暗示跟倪震結識，5號的日記內，更張貼疑似倪震側面托腮相，並以「倪震哥哥」稱呼對方，又沾沾自喜搭上有名氣的人。正正是這段對白，踢爆倪震回應當晚（6日）才認識這位女孩子的謊言。
疑似倪震
5/12
Miffty 這張照片的背景是中環「外國記者會」，此處是倪震常幫襯的食店，由於只招呼會員，私隱度極高。
上周六（6日）晚，倪震被雜誌斷正，於蘭桂坊酒店「Azure 」，與一名21歲索女Miffty 數度激咀。事後，倪震就偷食事件，扮死狗自插︰「我覺得很羞恥……我必須能相信自己以後不會令伴侶蒙羞，才敢奢言做人家的男友……」更強調自己只因為醉酒，才會與剛相識的索女濕吻。
來自國內的Miffty ，經常把性感照放上blog ，她身上僅以星星褻衣遮掩重要部位，加上嘟嘴擘髀，意態撩人。
啜嘴晒胸 Miffty 對自己33C 上圍非常自豪，blog 內不乏三點式水著照。
鏡前自戀 Miffty 極度自戀，blog 內有不少自拍照，看她穿上性感內衣在
所又影一餐。
床上肉搏 連床照也放上網，據知前男友林鵬為表愛意，於背脊紋上女友英文名的頭一個字母M 。
擘腿誘惑 年紀輕輕的Miffty ，擺出這些風塵味極濃的pose ，竟然駕輕就熟。
Miffty 豪放私相簿
與倪震濕吻的女主角叫張茆（Miffty ）21歲、身高168cm 、體重55kg ，就讀城市大學（市場營銷學系Yr4），張乃東北人，05年以交流生身份來港唸大學。
張茆雖然係東北人，但家住海南島海口，有一個弟弟，父親是醫生，出身小康之家，她在城大除必須出席的課堂外，其餘都很少上堂。她擁有一雙修長小腿，愛穿高跟鞋及化妝，就算她在學校的canteen 食飯也要化濃妝。據知不少同學指張茆沒甚麼內涵、愛物質、成績又麻麻，所以她與兩名好友（當晚一同與倪震蒲的朋友）在學校均屬異族，沒有太多朋友。發生倪震事件，城大學生都不感到意外。
周身名牌
Miffty 經常LV 、Chanel 隨身，對物慾追求勁過港女，更將名牌戰利品放上網炫耀。
倪震講大話
不過，本刊在Miffty 的個人網頁內，不但發現她是城大交流生，不但上載自己大批性感照及床照，更上載了本月5日晚與疑似倪震約會的照片，令倪震的大話即時被踢爆。據知倪震與Miffty 早於兩個月前在蘭桂坊蒲吧時認識，更一撻即著，但玩女甚高明的倪震，一直冇向Miffty 提起自己的中文名，而他們每次都在私竇見面，可惜紙最終包不住火。
而另一名蒲友亦話︰「其實倪震都成日落中環私竇Beijing 蒲，我都撞過佢幾次。嗰個場好多OL 及大學生落嚟搵食，係溝女勝地，男人去呢啲地方，做乜就唔使講啦。」
今年8月，倪震與周慧敏到北京睇奧運（左圖）。當時所見，倪震大部分時間都撇下女友在酒店，自己周街逛，非常心野！
倪震自從電台節目《絕情谷》後，工作不多，只是幫幾份雜誌寫專欄。《蘋果日報》圖片
倪震著草廣州
據知情者透露，倪震知道溝女被拍照後，已第一時間向女友周慧敏「自首」。知情者話︰「阿Joe （倪震）自爆嗰晚飲得好醉，佢以為雜誌只係影到佢同個女仔坐埋一齊，唔知記者影到濕吻相，喺Vivian 面前只係認同女仔飲嘢，直至被記者致電問回應至知大鑊，惟有向女友認晒錯。但Vivian 今次真係好嬲，兩個吵得好甘，雖然阿Joe 都知衰，但出盡法寶都唔掂！未見過Vivian 咁嬲，仲話唔想再見到阿Joe ，阿Joe 惟有無奈執埋包袱返大陸囉。一來可以避記者，二來話等女友下咗啖氣，至返嚟
番佢。
「本來佢哋打算喺新年前排期註冊結婚，依家莫講話註冊，分分鐘分手添！講開註冊，你估Vivian 唔知自己男友風流咩，但佢諗住註咗冊，男友會定性啲。雖然佢哋唔會擺酒，但名正言順做咗倪太，講嘢都可以大聲啲。」
周慧敏搬酒店
據知，周慧敏對男友花弗一事，一直採鴕鳥政策，總之就眼不見為乾淨，但今次男友偷食照被斷正，令周慧敏甚感冇面。想到將有記者追訪自己，她惟有搬到金鐘某酒店暫住。「其實Vivian 呢幾年真係諗過生BB ，次次抱住人哋嘅BB 都唔捨得放手，但阿Joe 就死都唔肯，總之就係藉口多多，又話世界唔好，又話年紀大，講到尾咪又係怕要照顧小朋友，阻住佢出去蒲。我哋成班friend 都睇唔過眼，不過Vivian 份人好心軟，咩都就晒佢。」
周慧敏心傷透，給予男友冷靜期兼監守行為，但身在廣州的倪震卻死性不改，竟繼續與索女私下聯絡，完全當女友冇到。據一位城大學生透露︰「件事對茆茆（張茆）影響好大，本來星期六（13日）佢要考試，但佢已經決定今日（10日）返海口（張茆大陸寓所），寧願等風聲冇咁緊至返嚟補考。但我知佢仲有同倪震聯絡，佢哋仲打算約埋喺海口相會添。」倪震之所以如此坐定笠六繼續偷食，皆因食硬周慧敏心軟性格，以為次次扮可憐博同情都會獲得女友原諒。
12月10日，古巨基突然出現金鐘太古廣場，未知是否到酒店探周慧敏，但他一見記者即上車絕塵而去。
出賣李嘉欣換料
一向詭計多端的倪震，為達目的，可謂無所不用其極。據一位雜誌界人士透露，當周刊拍下倪震濕吻照片後，倪震曾親自致電該雜誌高層，企圖以「料」換「料」，眼見近期前女友李嘉欣結婚新聞鬧得熱哄哄，不惜供出李嘉欣的16歲學生車船半價證及情信作交換，希望雜誌高抬貴手，將啜女照保密，可惜遭對方斷然拒絕。
記者就倪震偷食一事致電其父倪匡，他說：「做和事佬？乜佢哋依家交戰咩？（你咁有智慧，都會安慰吓Vivian 掛？）正因為我充滿智慧，所以我咩都唔會講，又唔係月球撞地球？（咁Vivian 係咪同倪震註冊結婚？）哈哈，我唔知！我係老油條，你
唔到我講嘢㗎！」說罷匆匆收線。
上得山多終遇虎，倪震死不悔改，繼續偷食，難為周慧敏全心為愛郎。倪震事業跌谷底，她復出搵錢，男友搞波樓，她出錢出力，可惜是百分百付出換來癡心錯付，女人最怕嫁錯郎，周慧敏今次註冊唔成，未嘗唔係一件好事！
Miffty 的纖腰及長腿甚為煞食。
周慧敏雖然保養得宜，但畢竟與Miffty 相距廿年，當然唔及對方嫩口。《蘋果日報》圖片
Miffty 甚有明星相，這張相與周慧敏有八成相似！
Miffty 網頁內有不少三點式照片，證明她對自己的身材甚有信心。
Miffty （中）與兩位女同學張小越及楚默組成溝仔團，喪蒲桂蘭坊。
小腰精vs 熟女敏
偷食成癮
倪震今勻偷食斷正，無得抵賴，其實倪震同周慧敏拍拖19年以來依然花弗，01年他在姚樂碧新書《隨意隨心》寫序：「我和姚樂碧的確在口舌言談上達到過頗為劇烈的高潮。」字句大膽露骨，後來倪震寫給女方的情信曝光，信中寫到：「假如妳不是結了婚，一場轟轟烈烈的戀愛，我是捨命相陪定的了。」自此以為倪震修心養性，原來仍然戒不掉呢鋪偷食癮。
陳穎妍《蘋果日報》圖片
Esther 《蘋果日報》圖片
●傅穎撐枱腳
06年8月，倪震在專欄大讚傅穎「有女人味……貓樣的眼睛，開始撩人了」，07年被發現二人秘密撐枱腳。
●暗溝陳穎妍
06年8月，倪震以玫瑰花攻勢及短訊傳情，力追無線藝員陳穎妍，事件曝光後，與周慧敏感情亮起紅燈，最後要老父倪匡出馬箍煲。
●偕女模食麵
07年4月倪震被拍到跟模特兒Esther 在灣仔「一碗麵」撐枱腳。飯後，倪親自駕車送女返歸，並在女方香閨逗留兩小時，有傳周慧敏為此狠心分手，後來倪震帶女友到肯雅旅行箍煲，才雨過天晴。
傳訊公關主任
曾邦媛
公關處長
譚世英
城大保安見記者訪問學生，即上前阻撓，並驅趕記者。
女學生驟見Miffty 艷照，即露出尷尬神情說：「嘩！啲相咁嘅，呢個人我同佢唔熟。」
唔少城大男學生拿出張茆的新聞來八卦。
城大避得就避
就學生張茆豪放舉動，記者訪問其就讀的城市大學會否作出處分，甚至勒令其退學，有關方面不斷迴避問題，不肯作評論。傳訊公關主任曾邦媛幾經追問，才表示：「我哋會先了解詳情，要睇番成個過程係點。（有冇管制留宿學生在外面過夜？）學生可以24小時自由出入宿舍，每個學生都有密碼鎖，大學生會自律。（如果係城大學生，究竟會點處分？）如果件事係真，我哋會send 去紀律委員會，經過佢哋審核再作處分。」
記者再要求城大確認張茆學生身份時，公關處長譚世英終於向記者交代，「我哋係有個學生叫張茆，不過學生嘅私生活我哋不願置評。」
倪震當年為了追周慧敏，以旗下雜誌《Yes 》打擊情敵劉錫明，但奪得周慧敏芳心後，又不懂珍惜，繼續在外面偷食。《蘋果日報》圖片
倪震老竇倪匡左右做人難，一再追問下，他才拋下一句：「佢偷食又唔係我偷食，關我乜事？」
蹧蹋廿年情
網友熱論
倪震倫食，成為網上熱門話題，有人更搞了個網上投票，邀請其他網友在周慧敏與城大索女中任揀一個，言論甚為抵死。
12月10日晚9時許，一個自稱張茆的人，不忿被人將照片放上網，大鬧對方垃圾。看來，因為倪震偷食事件，張茆已成為網上熱爆新女。
蔡瀾《蘋果日報》圖片
邵國華
有撐有踩
倪震背住女友周慧敏偷食，成為熱話，當中有撐有踩。
白韻琴：「邊個才子唔風流？好小事啫，件事之後佢都立即返屋企。」
蔡瀾：「未結婚之前，咩都可以做，男女一樣，有乜所謂。」
劉鍚明：「好男人唔會去滾！」
袁彌明：「倪震好過份，佢咁做好落女友面，原諒唔等如縱容，原諒一次就等如縱容多一次。」
古巨基：「收到呢個消息，覺得好意外，好愕然！」
邵國華：「男方背住女友咁做，道義上好唔啱，公開場合行為真係要檢點啲。佢一定要公開向Vivian 道歉，最好公開求婚，有呢張出位相，或者可以幫佢洗底。」
