黃宗澤深得無線高層樂易玲器重，今年又與東亞簽下歌手合約，多了個大靠山，實行與同是無線契仔的林峯抗衡，由電視鬥到歌壇，更可以和緋聞女友胡杏兒拍住上，力爭今年底各項樂壇頒獎禮新人獎，不過黃宗澤卻自嘲是08年最老的一個新人，既有壓力又尷尬。
黃宗澤新碟本月推出，兩個月前已開始派新歌上台，問他覺得與林峯比，誰唱得好些時？黃宗澤實行先禮後兵，未作戰先認輸，他日前接受訪問時謙虛地說：「好難唱得好過佢，佢學聲樂，大家唔同風格，佢係情歌王子，我走活潑開心路線，要我做情歌王子真係頂唔住，有自己風格係好事，不過聽聞外界對我嘅反應都唔錯。」
嫌緋聞太悶
黃宗澤得樂易玲器重，加盟東亞亦是由她穿針引線，他說：「初入行時已經想做歌手，後嚟不斷拍劇，太忙於是冇再諗，後嚟樂小姐叫我唱歌，幫我做介紹。」有大靠山，年底的樂壇頒獎禮，爭奪新人獎的勝算似乎又跨進一步，他大可再借胡杏兒的緋聞為彼此造就話題添人氣，但黃宗澤竟嫌棄緋聞既舊且悶，他說：「都悶啦！其實我目標都係希望人哋覺得我可以唱歌，我寧願花時間排舞做宣傳，做好自己工作。」
黃宗澤（右二）大讚林峯（右一）聲底好，更封他為情歌王子。資料圖片
黃宗澤早前拍MV 時，樂易玲親自探班，備受器重。
不敢寄厚望
黃宗澤自喻為一塊海綿，希望吸收不同事物，在演藝界作多方面發展。
面對爭獎問題，他不敢寄以厚望，黃宗澤說：「我重視任何一個獎項，有獎係好開心，台慶大熱獎項有人認頭就話冇得諗，但今年多咗個時尚魅力大獎，講嘅係著衫好唔好睇，當時我都好想個獎係頒畀我。至於樂壇新人獎，真係冇信心，亦都唔敢諗，今年咁多新人，壓力好大，計落我應該係08年最老新人，其實好尷尬，我喺呢行有一段日子，但面對樂壇年輕歌手就變咗新人，但又唔可以做得好差，呢樣係其中一個壓力，我覺得自己應該做一塊海綿，見到乜就索乜，畀唔同嘅嘢大家睇。」採訪：魯萍攝影：陳志嵐髮型：Kel Fung of HH Hair.Nail服裝：DKNY場地：馬哥孛羅香港酒店
入行已有一段日子的黃宗澤，今年才正式在樂壇發展，他更自嘲是年紀最大的新人。
