大閘蟹的季節悄悄地過去了，蟹黃的味道還在口內不散……不用再想念，現在，是投向北海道毛蟹的時候了﹗蟹膏澎湃，而且蟹肉更鮮味。帝苑酒店稻菊日本餐廳推出震撼優惠，一隻毛蟹$300就可以蒸蟹腳、鍋物兩食。咁 價錢，真係抵得很啊！
記者﹕吳允
攝影﹕楊錦文、譚盈傑、伍慶泉
酒店街坊價
■稻菊行政總廚深田先生
稻菊向來質素高，價錢不便宜，晚市一位用天婦羅壽司料理要$920。平日餐廳的毛蟹選用特大的一級貨色，800g 的毛蟹兩食索價$1,200，海嘯來臨，餐廳決定推出$300毛蟹兩食作招徠，毛蟹size 雖然比平日的小一半，約400g 重，但價錢平三分二， 稻菊絕對係十級抵食！日籍大廚深田先生以流利廣東話道﹕「真係無錢賺 ！」午飯時間來，各自叫個lunch set （$150），再兩個人夾份食一個毛蟹兩食，連加一每人$330，比晚市來，食得更化算。如此抵吃，供應數量有限，深田先生建議要一日前預定，以免撲空，餐牌上亦未有列出此優惠，要食蟹記得主動出聲﹗
非當造亦好吃
■毛蟹約400g 重，雖然size 細，但有手掌般大，夠二人分吃。
好多人以為冬天是吃毛蟹的時令，不過深田先生話大家誤會了﹕「其實夏天先係食毛蟹的最好季節，夏天係毛蟹的產卵期，所以特別肥美，不過毛蟹一年四季都有得食，雖然唔似松葉腳咁啖啖肉，但係毛蟹味道較鮮，而且有膏又有肉，最適合做鍋物，所以冬天好多人鍾意食。」毛蟹名副其實好多「腳毛」，師傅先將腳拆開凍食，味道較清甜之外，亦避免煮鍋物時令食客食到一口毛，確實細心。鍋物以最簡單的木魚湯作湯底，蟹膏融化在湯內，整鍋都是濃郁的蟹味。
■一蟹兩食$300：毛蟹鍋物（上）、蒸蟹腳（下）
■蟹腳面頭已去殼，食客吃得方便，啖啖肉絕不欺場。
稻菊（27332933）
尖沙嘴麼地道69號帝苑酒店1樓
北海道毛蟹精選
地道味噌湯底
Yagura 的毛蟹鍋以北海道地道煮法炮製，木魚湯底內加上白味噌及舍田味噌，令湯的味道更添層次，與毛蟹實屬絕配，別具北海道風味。凍食的「 茹毛蟹」其實指捕獲後即在漁船上煮熟的毛蟹，幾十隻毛蟹「一鑊熟」，鮮味倍數升級，蟹肉充滿海水鹹香，令人欲罷不能。
■毛蟹鍋$490（一日前預定）
■ 茹毛蟹$390（一日前預定）
■粉絲和白菜吸盡蟹的精華後，仲好食過蟹肉本身！
■睇 蟹膏幾咁澎湃，仲怕甚麼膽固醇？
Yagura （27101010）
油麻地彌敦道380號逸東酒店地面下層
原隻上啖啖肉
北海道毛蟹平日在日式超市都要$280一隻，仲要自己拆蟹好麻煩，魚一丁的毛蟹已經師傅處理過，一挑就可以挑出蟹肉， 手淨腳吃得方便，毛蟹重500g ，才$320。要食得更刁鑽，師傅話可將清酒倒進蟹蓋來燒，酒味和蟹味混合得一絕，係老饕先識得咁食﹗
■北海道特大毛蟹$320
■蟹腳點蟹酢吃，可突出蟹肉鮮味。
魚一丁（23318382）
九龍灣德福廣場2期612-614號舖
豆乳湯蟹更鮮
■毛蟹豆乳鍋$280
遊心的毛蟹鍋特別在於湯底以豆乳調配而成，加上毛蟹冬天特別多膏，與豆乳產生美味的化學作用，入口香滑creamy ，師傅更一絲不苟地選用日本的箱根豆乳，豆香特別濃郁。
遊心（28859982）
西灣河鯉景灣太康街45號GB12-14A 地下
