界女神Janice Man 原本前途一片光明，不過又失場又毀約，分分鐘自己玩死自己！
界女神Janice Man （文詠珊），最近曝光率大減，早前更直認因金融海嘯影響，原本一星期接5個job ，10月跌到剩番兩個，還說大把閒情在家煲台劇。
金融海嘯當然有影響，不過實情Janice Man 在行內「file 」唔多靚，加上近日其他
模殺出，平靚正乜都肯制，生計自然大跌價！
本刊得悉，狂跌job 的Janice Man ，最近更惹官非，事緣為時裝潮鋪「LiFe 」拍平面廣告，竟臨時甩底，搞到廣告商發火告女神，兩方陣營律師信招來招往，至今仍未擺平。
甩底怕怕，Janice 女神形象危危乎，唔驚迫自己入末路？
5月冇影
Janice Man 原本答應幫時裝品牌LiFe 影硬照，但Janice 臨時玩嘢甩底，剩番商台DJ 陳強（左）、羅仲謙（中）及張栢文三男撐場，吸引力立即大減。
12月HotCha 頂上
Janice 潛水，益咗同樣走春青路線嘅HotCha 三女，以更高價接女神棒，比Janice Man 收3萬蚊還要高！
律師信互片
（模擬內容）
去年以一頭漂染金髮、有色大眼仔加「hi-hat 」，天時地利造就
界女神形象，為Janice Man 鋪條娛圈大直路。煲足一年賺埋唔少，女神紅咗又囂咗。
玩嘢甩底
19歲Janice Man 走紅後，瘦身產品、髮型屋和電子遊戲產品都找她代言，其潮神形象更吸引不少時裝客戶睇中，找她影平面硬照宣傳，大家有so 。
據知今年5月，自家設計潮服的時裝店LiFe ，經Starz People （Janice Man 所屬模特兒兼經理人公司）找女神影硬照廣告，不過Janice Man 卻臨時甩底。知情人仕說：「其實LiFe 一早知Janice Man 本身有幫另一牌子CHOICE 設計，所以問清楚Starz 有冇影響，係Starz 話Janice Man 幫CHOICE 影相係冇收錢嘅，所以冇問題，點知LiFe 嗰邊book 好晒嘢，Starz 就話要改期，後尾度咗成個星期，Starz 至話其實係Janice Man 自己唔肯影！」
據知，Janice Man 肯無條件幫另一牌子CHOICE 影相，全因幕後搞手為其肥仔男友李冠峰。「呢個圈個個都知呢個牌子係Janice Man 條仔㗎啦，不過條仔唔想畀人話借佢宣傳，咪一直冇公開囉。最初仲搵埋Angelababy 同Janice Man 孖住為品牌design ，不過佢2個冇偈傾之後，CHOICE 都冇晒佢哋嘅新design 賣啦！」Janice Man 身邊人說。
臭寸實錄
Janice Man 上月出席酒吧活動時，一入場即坐埋一邊，與另一
模趙碩之更冇乜交流，笑得牽強。據當晚搞手透露：「佢收足錢都咁唔開心，叫佢完場前同嘉賓（右）敬酒，佢都唔肯！」好大牌啫！
敬酒走先
散場時，趙碩之識做自動蒲頭，不過Janice Man 就繼續冇影，冇出盡力做宣傳。
最新Bossini 廣告
收入跌4成
曾經講過因為金融海嘯而少咗好多job 的Janice Man ，工作量由以前每星期最多有4、5單，勁減至1、2單，收入暴跌4成，10月係跌job 最勁月份，好彩11月又好景番啫！
海嘯前（5月）：12單
海嘯後（10月）：7單
↓4成
Cara G.經驗勁過Janice Man ，洪天明前女友Lilian （左）又奀過頭，好難揀啫！《忽然1周》圖片
賠款拉鋸
早前Janice Man 出席活動時接受本刊訪問，一聽見LiFe 鋪頭名即說：「咩嚟㗎？（搵你影相嘅時裝店，拍硬照嗰日你甩咗底？）呢啲嘢我唔知㗎喎！（律師信都出埋。）呢啲嘢佢更加唔知，你聽邊個講㗎？你叫嗰個人打番畀我哋啦。（助手搶答）」本刊週一（8日）亦致電LiFe 查詢，宣傳公關楊小姐表示：「之前公司係有打算搵Janice Man 幫我哋影相，不過後尾冇咗件事。（係咪Janice Man 甩咗底，你哋出咗律師信告佢？）係。不過我唔太清楚內情，詳細要問番老闆。」
據知雙方現已交由律師處理，LiFe 更表明立場，要求Starz People 賠償港幣11萬，但Starz 只還價賠2至3萬。「其實Starz 最初有提議過不如搵其他model 如Cara G.、Lilian Leung （洪天明前女友）代Janice Man ，但係合約簽好晒，寫明用Janice Man ，點可以換呀？場地、化妝都book 好晒，仲要拖足成個禮拜，加埋律師費，LiFe 咪要求十萬囉！」知情人士說。
CHOICE 其實是Janice 男友李冠峰所創，難怪做女友的Janice 寧願毀約都要幫男友做生招牌啦！《蘋果日報》圖片
除咗設計，Janice 更在自家blog 幫CHOICE 的產品賣廣告。
轉戰電影
其實Janice Man 甩底，在行內已經不是新聞，無論出席活動，或是雜誌約Janice Man 影相，她也有甩底紀錄。「試過約佢兩次影嘢都唔見咗人，打畀佢電話冇開，助手又冇聽電話，事後佢至打返嚟話原來約咗第二個活動，鬼叫佢紅咩，啲客指定要影佢，惟有忍吓囉。」一潮流雜誌記者透露。加上Janice Man 常常女神上身，拍攝現場常對借來的服裝諸多要求，態度「一姐」。
「一姐」在模界走紅後，已接拍了2部電影，近日更剛拍畢彭順執導的新戲《三角錯》，深得電影公司寰宇愛戴，成為御用女角。據知，尚有半年即滿約StarzPeople 的Janice Man ，亦落實不續約，轉投其他碼頭！睇嚟要改形象兼轉路線，訓身大銀幕，可能先係出路囉！Starz People 老闆鄒世龍至截稿前仍未能回應。
仲有半年便約滿StarzPeople 的Janice ，據知多數唔會續約，連一手捧紅佢嘅老闆鄒世龍（右二）都冇面畀。
連拍幾套寰宇電影的Janice ，似乎大有機會轉投林小明（右）旗下，拍住江若琳（中）齊齊扮玉女。《蘋果日報》圖片
密謀轉會
拍戲好過
今年9月拍電影《三角錯》，戲中有短髮造型，更有著膠筒靴賣魚妹（右圖）打扮，拍攝時被指遲到兼黑面，又掛住黐實導演彭順食早餐。《壹週刊》圖片
姊妹睇戲
Angelababy ：唔知情！
唔知道佢有呢單官司！（點解同Janice Man 一齊設計個牌子，冇新嘢出？）冇再幫手喇！（個牌子CHOICE 其實係咪佢男友開㗎？）唔係，係我哋嘅一個朋友開㗎！
周秀娜Chrissie ：要遵守合約！
其實接job 呢啲都係由公司做，model 好少理！不過自己當然有責任去知啦，我諗呢件事未必關Janice Man 本人嘅事，但我覺得要清楚合約先簽，簽咗就要遵守合約細則，咁先至叫有操守。
銅鑼灣東角
鋪
Crystal@HotCha
米飯班主
Janice Man 得罪的時裝連鎖店LiFe ，在香港、九龍已有6間分店，服裝行大眾化青春路線，熱褲、cap 帽（右圖），1件小背心300蚊有找。
年頭找來張栢文、陳強、羅仲謙以及Janice Man 影硬照，奈何Janice Man 甩底令代言人變成全男班。年中LiFe 開始全力贊助HotCha ，上至日常服裝，下至出碟送大禮都有份，日前更找來HotCha 拍攝第一輯宣傳硬照，順便替月尾HotCha 舉行的首個演唱會造勢。
