17年前劉錫明因在電台公開表示欣賞周慧敏（Vivian ），惹來Vivian 的男友倪震連番攻擊，不但中傷他是「毒瘤明」，還不斷在雜誌唱衰他長達3年，令他事業急速下滑被迫避走台灣發展。如今劉錫明眼看仇人背著情人偷食千夫所指，即奉勸倪震要珍惜眼前人。
倪震日前背著女友周慧敏偷歡斷正，被拍得與索女在酒吧內又攬又啜，令Vivian 扯火嚎哭，情緒十分激動。91年劉錫明與Vivian 因合演電視劇《烏金血劍》傳出緋聞，之後他在電台訪問中直認對Vivian 有好感，引來倪震不滿，之後3年不斷遭倪震在《Yes!》雜誌唱衰，又以「毒瘤明」稱呼他，令其形象受損，事業滑落谷底。
劉錫明當年因公開表示欣賞周慧敏，慘被倪震極力唱衰三年。資料圖片
前年周慧敏舉行演唱會時，倪震扮貓上台給女友意外驚喜，不知此情會否成追憶？
死敵贈興邵國華籲裸跪求婚
《疑似倪震》Miffty 在上周五張貼的網誌內，上載了一張似在酒吧拍攝的照片，她身後戴眼鏡及以手掩嘴的男士甚似倪震。
當年被倪震害得極慘，劉錫明昨日談起仇家背著女友Vivian 偷歡，只慨嘆地說：「我已經係一個有家室嘅人，當然明白呢啲事對伴侶造成嘅傷害，我希望倪震識得珍惜所愛嘅人，人誰無錯，知錯能改最重要，相信佢哋床頭打交床尾和，兩個人相處總會有吵鬧，希望佢哋可以冇事啦！」問到他是否已原諒倪震？他說：「都咁多年啦！我婚都結埋，有一個開心嘅家庭，以前啲事仲記嚟做乜？」記者昨日曾分別致電倪震和Vivian ，但至截稿前仍未獲回覆。記者再聯絡了與倪震因合作搞雜誌生意而反目的港台DJ 邵國華，他說：「男方背住女友咁做，道義上好唔岩，公開場合行為真係要檢點啲，照啲相睇，佢呢啲唔係西方禮儀咁簡單。佢哋都生活咗咁耐，好應該結婚，我覺得世伯（倪匡）好應該催，甚至迫佢哋結婚，我唔知倪生近嚟識咗啲乜嘢女仔，但佢要知道生命中最好嘅女人係Vivian ，要好好珍惜。」問邵國華建議倪震怎樣向女友認錯？他揶揄說：「佢一定要公開向Vivian 道歉，或者再影張出位相，上次過張（指全裸用貓遮住下體）好轟動吓，或者佢可以跪低，最好公開向Vivian 求婚，有一張呢啲出位相，或者可以幫到佢洗底。」張達明則力撐好友倪震，他昨日在電話中說：「家家有本難念的經，呢啲問題佢自己解決啦，我唔會特別打電話畀佢哋問。」會否覺得倪震太風流？他說：「呢啲嘢我唔理，總之第二時如果我發生呢啲事，最好倪震唔好喺呢啲時候打畀我。」
多謝關心基仔爆周慧敏無恙
周慧敏好友古巨基昨日出席公開活動時說：「我打咗畀Vivian ，聽到佢把聲，放心好多，佢同我講冇乜嘢，仲叫我同大家講多謝關心。」對於有傳Vivian 在家中嚎哭並搬返娘家，基仔說：「同佢講電話把聲冇事，都冇問好多嘢。」會否到Vivian 家探望？他說：「佢而家樓下好多狗仔隊，我唔方便上去，只希望最後係happy ending 。」身為Vivian 經理人的陳志光昨日出席王菀之祝捷會時，被問到有否聯絡Vivian ，他說：「我有SMS 佢，不過佢冇覆，我唔擔心佢，因為佢都大個女。」他又指倪震已40多歲，相信他可以處理。會否做兩人的和事佬？陳志光說：「唔會，呢啲係佢哋私人事。」
蔡瀾力撐「未結婚乜都可以」
視倪震為世姪的蔡瀾昨日在銅鑼灣擔任廚藝比賽評判時，提到倪震偷食一事即收起笑容。問他會否教訓倪震？他說：「冇乜嘢好教訓，知自己做緊咩！佢老竇都未有評語，我有乜嘢資格講。」會否覺得倪震不夠專一？他說：「未結婚㗎喎，未結婚乜嘢都可以做，男女都得。」連偷食也可以？他說：「未結婚有乜嘢所謂？」傳與倪震鬧翻的梁繼璋昨日在電話中則說：「我係局外人，呢段時間應該畀番倪生同Vivian 自己去解決件事，拍拖係佢哋嘅事，大家唔好加咁多意見。」倪震當年為姚樂碧出書寫序鬧出緋聞，記者昨日以電話聯絡姚樂碧，她說：「我而家唔睇娛樂版，淨係睇財經版，唔知道佢發生咗乜嘢事。」回流香港後有否與倪震聯絡？她說：「同佢十年都冇聯絡。」會否覺得倪震十年來依然花弗？她避忌地說：「我唔知佢乜嘢性格。」採訪：麥佩怡、藍嵐、胡比、比華利
周慧敏被男友倪震偷歡一事傷得極重，但在朋友面前仍裝堅強，不想令友人擔心。
