舒淇昨日與導演馮小剛及豐德麗集團主席林建岳，在黃埔出席電影《非誠勿擾》宣傳活動。電影以一段徵婚啟事展開故事，舒淇指她在18歲時，媽媽已經安排她與一名飛機師相睇，當然她是沒有應約。
揀對象唔睇樣
舒淇和馮小剛昨日在黃埔宣傳新片。
自稱目前無拍拖的舒淇，看見陳慧琳、劉嘉玲和李嘉欣相繼嫁得好歸宿，坦言感到十分羨慕，她說：「結婚我覺得要睇緣份，好耐之前我曾經拎過一張男仔相畀媽咪睇，問佢我同呢個男仔結婚好唔好，媽咪同我講叫我唔好害人，可能媽咪太細個就結婚，覺得要考慮清楚至好做。以前揀對象我會睇樣，而家我會注重內涵，我有個朋友好憎光頭同肥仔，最後嫁咗個肥佬，所以我唔會講自己要求乜條件，個天畀你同自己諗嘅有時會唔同，不過我唔驚會嫁唔出，因為我知有好多人都想娶我。」此外，馮小剛被問到《海角七號》在金馬獎中輸了最佳導演及最佳劇情片兩項大獎的睇法，他說：「《海角七號》對台灣來說是一部很有意義的電影，過去一直不知台灣在拍甚麼戲，《海角》的出現帶來很多信心，導演魏德聖做了一件很棒的事，評審除了帶動電影之外，專業方面亦要表現出來，金馬做得很公平，《投名狀》在各方面都做得較好，魏德聖也不是輸，他可以慢慢來，相信最後大獎也會到他手里。」採訪：魯萍攝影：葉君海
舒淇眼見劉嘉玲和陳慧琳等人相繼出嫁，感到非常羨慕。
