近年嚟圈中唔少嚫模極速上位，好似「天使得得B 」咁，因為樣靚省鏡，加上有幾分日本妹味道，成為唔少少女嘅偶像，旺角少女十居其九都模仿天使得得B 嘅打扮，令到佢人氣勁升，成為模特兒界寵兒，接job 接到手軟。
推Job 拒同場
除咗天使得得B 外，「大嚿石」憑住驕人嘅上圍，加上又成日賣大包，所以殺出一條血路，幾乎日日見報。其實天使得得B 同大嚿石係兩個完全唔同形象嘅靚女，基本上冇乜利益衝突，不過天使得得B 成名後，就擺晒阿姐款，關仁聽到話有個活動想搵佢哋一齊做嘉賓，但天使得得B 就嫌棄大嚿石性感形象好似好cheap 咁，就算有好好酬勞都拒絕同場。Text by 關仁
