車胎人$25推介 無星勝有星 評分:--(未有評分) 回應:0
《米芝蓮》星級食府毀譽參半，環境高級，價錢頂級，不過食物質素唔係個個讚得。想親身驗證《米芝蓮》的虛實，幾千蚊一餐我等庶民又豪不起。其實指南內的「必比登車胎人美食推介」中亦有港人至愛、才廿多元的雲吞 ，甚至好多餐廳三百蚊一位就可以大魚大肉，特選其中三間被評為物有所值的──留家廚房、農圃飯店、正斗粥麵專家看個究竟。沒有浮誇排場，不過有實力，誰介意於天橋底搵食？
記者：吳允 、周靜雯、王震遠
攝影：林 鈞、譚盈傑
野山椒肉碎蝦米扒鮮淮山$78
鮮淮山坊間少見，以雲南泡椒、蝦米、野山椒同煮，清淡得來醒胃，難怪盧覓雪舉手要打包拎走。
留家廚房入選唔安樂
■留家廚房老闆劉健威
留家廚房由食家劉健威開設，主打特色傳統粵菜。《米芝蓮指南》內，對留家廚房的評語一開首就踩：「街道嘈雜骯髒，位處高速公路下面」，地點屈質，不過小菜七八十蚊有交易，最貴的原隻火朣雞燉大鮑翅，足24 翅賣$2,980，豐儉由人，難怪食客不絕。「我堅持自然，唔用味精雞粉，所有材料全部新鮮。我廣東菜基礎打得好，菜式又創新，好多菜式第二度食唔到，有 五十年代 古老 ，像柴爐花雕雞，出面無人識做。」有麝自然香，難怪劉健威不怕金融海嘯，「出奇地我 生意依然好好，開業四年來做出好多口碑，好多回頭客。」不少名人都是留家的座上客，採訪當日就遇正食家唯靈與麥玲玲等人飯聚。
評審不公道
雖然他開設的私房菜黃色門廚房亦受米芝蓮評審的青睞，不過劉健威直言入選的心情複雜：「最初聽到入選都會開心 ，起碼有虛榮，同外國朋友提起都好驕傲。不過我唔覺得米芝蓮的評審好公道，尤其是比我差的餐廳都與我同一位置，好似將我貶低咁，令到我好尷尬，對於其他好過我的餐廳又好唔公平。你問我喜定憂？好似半島Gaddi's ，有幾十年歷史 法國餐廳，無星無推薦，我好唔安樂。」
合浦珠還（合桃明蝦）$42一隻
大蝦每隻足4 重，份量十足。炸得脆之餘，蝦亦爽，蝦內釀有合桃，一隻蝦有三重口感。
留家煙熏雞$228一隻
刁鑽在於以玫瑰花煙熏而成，食落有秘製豉油和鮮雞的鮮味外，牙縫間亦滲出玫瑰香味。
唯靈：「呢間係我好少數認同入選 餐廳，有小館 精緻又有家常風味，食物優質，火候同廚藝都好好。福臨門有一星，佢起馬都要有一粒星啦﹗
盧覓雪：「入選肯定係實至名歸，我之前都有 食，最鍾意茶香雞，因為我好鍾意 煙熏 ，平時我都係為 隻雞而來。我覺得佢起馬值兩粒星。」
麥玲玲﹕「我成日都 ，好味 嘛， 我心目中最少有兩粒星啦，呢度 食物做法古老，出面搵唔番 ， 花好多工序，我成日擔心出面食唔番。」
留家廚房（25710913）
天后清風街9號
農圃賭王Ｅ神都捧場
有「名人飯店」之稱的農圃飯店今次亦榜上有名。對於農圃入選《米芝蓮》，周經理看來處之泰然，「給推薦後都不會改變原有風格，主要還是繼續做好我們的招牌菜。」開業廿多年的農圃，有不少名人撐場，賭王何鴻燊最愛農圃煮的花膠，連陳奕迅也常來買杏汁花膠豬肺湯的外賣和古法釀雞翼。個個捧場客來頭也不小，可見入選「必比登」絕對是實至名歸。
原為田園風味
開業時老闆鄧生將飯店命名為農圃，想帶給客人家鄉的風味，原因當時飲食業多數落重味精，但老闆卻推出少油的健康菜式，靠上湯來吊味。起初客人略嫌口味太淡，後來反而追捧過來。不得不服鄧生的市場觸覺，一句「是但」，原為客人點菜時的戲言，他聽了跟客人來開個玩笑，在蒸蛋白上放滿鮮蝦、帶子、火鴨粒等材料來吊味，送到客人面前，頓時一臉 腆，沒想到竟成為了受歡迎的招牌菜。
農圃古法釀雞翼每隻$45
製法像八寶鴨。雞翼去骨，以薑、 頭醃至入味，釀入預先和瑤柱、金華火腿等炒香的糯米飯再炸。雞皮非常香脆，糯米飯非常煙韌。
是但$88
蛋白入口嫩滑帶甜，加了帶子等食材增加了不少鮮味，比起家常的蒸蛋多了一份香味，最佳用來送飯。
蟹粉煎米粉$180
將生炒大閘蟹拆肉，連肉連膏加入特製上湯、甘 、薑和 煮成蟹粉，配上以落鑊煎香了兩邊的排粉。米粉切成細件很方便，兩邊煎香感覺非常香口，口感像兩面黃，淋上味道香濃的蟹粉，一濃一淡配搭可口。
農圃飯店（28811331）
銅鑼灣新寧道8號民安廣場1期1樓
正斗 炒牛河不滴油
在《米芝蓮》獲得推介的二十四間食肆中，能夠取得四個席位（包括三間正斗及何洪記），老闆何冠明先生坦言，這正是家族從事飲食業六十多年以來最大的鼓舞。一碗港人認為極之平凡的雲吞 ，當中就包含大量心血，不論是任何國籍的食客，同樣感受得到！「以前做 是為餬口，現在就多了份使命感，將雲吞 帶到全世界，人人都覺得好食！」飲食是一種享受，正斗大至餐廳裝修、細至碗筷食具，都要一絲不苟，務必做到最好。他強調，美食能帶給人好的回憶，若果已經坐得唔舒服，侍應的服務態度又差，就算食物再好吃，都難以引起食慾。「其實米芝蓮的評審員來足一年，做得好認真，例如正斗每間舖的菜譜是一樣的，但他們都能夠講出各間的特色同分別。」
阿蘇都讚So Good
除了雲吞 ， 炒牛河同樣是正斗的招牌菜。「阿蘇都食過我們的 炒牛河，一邊食一邊讚好！」河粉本身較難炒，但師傅能夠將河粉炒至條條分開，亦沒有太油的情況，夠晒 身，碟底只會見到老抽的痕 ，而非一層嚇人的油，這才是名副其實的「 炒」。
一碟美味的 炒牛河（$62），盡顯師傅功架，而且真的每一口都可以感受到何為「鑊氣」。
粉以蛋白來推，很花時間同心機，入口特別鬆軟，已失傳三十年。叉燒包優惠價$18（正價$24）
靚雲吞首要條件是皮要薄，要「留尾」，當然 條要分明兼彈牙啦！雲吞 （細）$25（大）$30
食客Andrew Chan ：我幾年前由澳洲返香港，朋友帶我來食雲吞 ，雲吞牛腩都做得好。
■每間舖的裝修概念一致，但就各有不同特色。
正斗粥麵專家（31522328）
紅磡黃埔花園第8期蔡瀾美食坊111號
Bib Gourmand 必比登車胎人美食推介餐廳
Cafe Siam （28514803）
泰菜：$88-$400
祥記飯店（25290707）
京菜$150-$200
翡翠拉麵小籠包（尖沙嘴）（26222699）
中菜：$100-$250
金紫荊（25827728）
粵菜：$250-$800
金家美食（25231276）
印度菜：$140-$250
何洪記（25776558）
粥 ﹕$26-$99
Jashan （31055300）
印度菜：$108-$241
利苑酒家（圓方）（21968133）
中菜：$160-$1,100
利苑酒家（旺角）（23925184）
中菜：$160-$750
Le Soleil （27332033）
越南菜$145-$500
蓮（25111117）
泰國菜/ 越南菜：$215-$300
陸羽茶室（25235464）
粵菜$100-$300
Naozen （28776668）
日本菜：$90-$780
1/5Nuevo （25292300）
地中海菜：$118-$300
Tandoor （28452262）
印度菜：$118-$310
正斗粥麵專家（跑馬地）（28383922）
粥 ：$35-$120
正斗粥麵專家（紅磡）（31522328）
粥 ：$75-$150
正斗粥麵專家（國金）（22950101）
粥 ：$75-$150
西苑酒家（28822110）
粵菜：$100-$1,988
怡東軒（28376790）
粵菜：$230-$1,298
夜上海（金鐘）（29189833）
上海菜：$220-$800
雲陽閣（23750800）
川菜：$125-$840
