謝玲玲前晚單拖出席喜宴，對於兒子林孝賢不時與女星傳出緋聞，她指兒子是拍散拖，已向他表明固定女友才帶返屋企見家長，以免她錯投感情，也不急飲新抱茶，不過她就十分鼓勵單身的女兒林恬兒快點拍拖。
保良局前總理方劉小梅前晚於洲際酒店娶新抱，不少城中名人都赴宴恭賀，當中包括有鄭明明、鯊魚丸老闆娘陳小寶及林建岳前妻謝玲玲等。謝玲玲表示早前返回台灣，她說：「媽咪有老人病，所以去探佢，嚟緊聖誕節應該會同子女出埠，每年都會同小朋友去玩，自己想去埃及，啲仔女想去陽光與海灘嘅地方。」
謝玲玲指兒子林孝賢（中）近年都是拍散拖。資料圖片
鄭明明剛於上海慶祝生日回來，即趕來飲好友喜宴。
催促女兒拍拖
保良局前總理方劉小梅（左一）長子方仁寬（右二）迎娶會計師女友孔靜，前晚於洲際酒店設宴。
問到其子林孝賢有否拍拖，謝玲玲說：「佢應該係拍散拖，我已經同個仔講，如果唔係固定女朋友我唔想見，唔想浪費咗啲感情，以前佢細個都有帶個女仔返嚟，而家就冇。」對於兒子不時與圈中女星如鍾欣桐、薛凱琪及傅穎等傳出緋聞，她說：「朋友食餐飯俾人影到，佢同房祖名係朋友，所以咪成日大班朋友。」問到謝玲玲會否介意兒子與明星拍拖，她說：「呢啲隨緣，
好想佢快啲成家立室，我就OK ，呢啲係終身大事。」至於其千金林恬兒拍拖狀況，謝玲玲就笑著說：「囡囡咪好似我咁冇拍拖，冇人追，我都想佢拍拖，佢讀完master 後幫緊佢爹哋手，不過而家女仔三十幾歲先結婚，佢而家先二十幾歲，仲有時間。」
毛玉萍腸胃差
此外，鄭明明則透露剛於上海與好友葉楓互相慶祝生日，問到會否與好友毛玉萍合作做生意，她說：「傾緊，等佢身體好啲，佢都未完全好番晒，腸胃唔係太好，同埋佢都唔喺香港，如果係合作都係過年後。」採訪：Law Wai Man攝影：Wong Wai Hung
謝玲玲單拖飲喜酒，笑言自己單身沒有人追。
