引用:
原帖由JACK1204於2008-12-200:17發表
各位師兄你地好.我係岩岩開始玩輪既新手....係13000點既時候入左隻熊仔,回收14900.各位師兄可以比d意見嗎thx
小弟今日都係玩緊隻14900既熊(60337).
今日出手時係咁諗既:
如未能企穩14200之上,仲會先番落13500左右既位(不過,adr 已經落左黎,家陣再講都無意思).
萬一企定14200之上,就考慮止蝕.
不過,由於美市太多變化,今日唔敢ONS,收市前走左......唉,又衰左,錯失良機.
如果美市唔玩逆轉,聽日低開既機會都好大(sorry,呢句有點廢話)
現階段好壞消息都有(不過,我一向都覺得壞既會多d,好既都係遠水不能救近火),未有新方向前,13500-14200來回既機會大.
家陣大家都驚各國出手,唔敢睇太淡,如果呢半個月各國政府都再無新意思,由於年尾各大機構都唔慌有乜野好消息,九成九係壞消息,我仲係估月尾會插番落去既,仲係唔信牛一咁快就黎. 如果短期企唔上14200,應該好快會番家鄉. 就算上得到14200之上,殺左隻熊,今年去盡都上唔到16000. 我買hsi 年尾都會插番落黎. 如果怕既,考慮下換隻15xxx 既熊.
只係睇家陣既形勢去估,如果突然阿爺出下手,又要重新評估一下.
當然....我只係亂噴口水,信者....未必有得救
