整容三嬌Freeze 感情生活一向多姿多采，陳樂榣黐到二十九歲Gucci 太子爺潘熾恆；剛做完子宮手術的甄詠珊又有手機生產商副總裁Andrew Lo 做護花使者，擺明要釣金[龜婿。
唯獨石詠莉（Suki ）拍拖講心唔講金，今年六月跟綽號「馬騮」的紋身老臨關偉文行埋，九月又孖住李彩華胞弟李健中（Raymond ）去沙灘戲水，今個月初又被發現到秦沛大仔姜文杰屋企過夜。男友多到數唔晒，但Suki 最後決定翻撻李健中，唔通貪佢個樣似林
？
李健中與石詠莉在本月十一日當街拍拖被本刊撞到正，二人不時拿起手機傳情，兼且互餵雪糕，旁若無人。
石詠莉在今年六月與老臨男友，綽號馬騮的關偉文行埋，二人由拍拖至分手一直不被外界睇好。（《FACE 圖片》）
秦沛反對現年廿一歲的石詠莉，擇偶條件擺明兩極化，MK Look 「老臨」關偉文都啃得落，之後又撻喺外表西化嘅姜文杰，更被發現到男方屋企過夜。
話就話仔大仔世界，但剛剛
無線台慶頒獎禮嗱到「萬千光輝大獎」的秦沛，知道個仔同石詠莉行埋，當堂激到生蝦咁跳，下令姜文杰儘快同女方疏遠，父命難違，二人其後在公開場合碰面，唯有刻意扮唔識。
戀情話咁快玩完，不甘寂寞的石詠莉，決定食回頭草，翻撻現年廿三歲、有「老翻林
」之稱的李彩華胞弟李健中。其實早在今年九月，二人到淺水灣鴛鴦戲水，由於當時石詠莉仲未揀定心中至愛，於是連老闆蕭定一，都要幫手出面澄清，二人純粹是同門師兄妹情。
可惜言猶在耳，本月十一日二人前後腳出席時代廣場《CIA光碟離奇失竊案》首映禮後，居然搭晒膊頭行街，之後又去餐廳，旁若無人互餵雪糕，完全唔怕將感情公開。
石詠莉在上月底被踢爆到秦沛大仔姜文杰位於九龍塘的寓所過夜，事件曝光令秦沛大為不滿。（《FACE 圖片》）
李健中與石詠莉月初在Freeze 成員甄穎珊的生日派對上已經隔空互嘴傳情。
藝人身價向來秘而不宣，不過Freeze 近期竟然出奇招，明碼實價公開接show 價搶客，引來同行不滿。
Freeze 以大膽前衞闖出血路，三人更無懼金融海嘯影響，鐵定於明年三月舉行演唱會搵銀。
瞞住李彩華據知，二人已經秘密拍拖大半個月，由於李健中向來對胞姐李彩華（Rain ）又敬又畏，迫不得已將戀情低調。「阿Rain 十六歲就入娛樂圈賺錢養家，又幫老豆還成百幾萬債，Raymond都好尊重呢個家姐，上次佢哋去沙灘玩俾人影到，阿Rain 都有少少擔心，所以Raymond 希望暫時低調嘅拍拖，驚家姐唔高興。」
至於上次出面力撐二人只屬兄妹情的老闆蕭定一，在本週一接受電話訪問時，明顯轉晒口風，他說：「後生仔女行開行埋都唔奇呀，公司冇話唔俾旗下藝人拍拖，Freeze 岩岩先出咗新唱片，三月又會開演唱會，我都會同石詠莉傾吓，唔好掛住玩，不過佢哋要嚟真我都阻止唔到。」
