雖然形象大破產，但近排各大網絡興起一股伊能靜艷照潮，不斷發放佢喺00年拍下嘅泡泡浴半裸寫真，以證佢淫亂放蕩嘅性格，一早經已存在。
伊能靜勾佬醜聞繼續熱爆台灣，男主角黃維德上週首度開腔為「拖手」事件解畫：「此事不重要（指拖手），我希望不要再對任何人生活造成傷害。和她（指伊能靜）是好朋友關係。」
講到拖人老婆手仔天經地義，但作為思想守舊嘅哈林媽，據聞呢排逼個仔儘快「收拾繕後」，唔想伊能靜繼續留低破壞庾家家聲。
被老婆、阿媽夾喺中間，哈林連日閉關唔願見人做「宅男」，但好衰唔衰，之前應承咗無線，下月飛嚟香港為第二輯《味分高下》做準備，試問有邊個男人鍾意戴住綠帽四圍走？
近排有報導話，伊能靜自從做咗「庾太」，呢八年足足搾乾哈林1700萬港元身家，除咗逼老公俾錢買樓但寫老婆名，仲每年嗱80萬港元家用豪買名牌，搞到哈林要密密搵錢養家。
絕非省油燈嘅庾媽媽，已經開到聲叫哈林「休妻」，力保庾家聲譽。
系出名門
思想保守、以前係京劇名伶嘅「哈林媽」張正芬，一直對「歌女」出身嘅伊能靜有意見，事關哈林祖父曾任中華民國雲南省昆明市市長，哈林爸又係中華民國前國民大會資深代表，話晒系出名門，相比起原名吳靜怡嘅伊能靜，因為阿媽改嫁日本人而改名伊能靜江，哈林媽當然想個仔娶番個門當戶對老婆。
家陣發生拖手勾佬事件，哈林媽唔嬲就假，認為伊能靜有辱家聲，據聞佢老人家已經落order ，要哈林儘快「收拾繕後」，踢伊能靜出家門。
18/11
封嘴避記者
阿媽開聲「休妻」，哈林夾喺中間亦左右難為，事關21年感情唔係話咁易放得低，為咗唔想家嘈屋閉，原定上週返台嘅伊能靜，經哈林勸諭後，只好留喺國內繼續「
縮」，等事件淡化。
決定獨自面對綠帽事件嘅哈林，上個禮拜二（十一月十八日）繼續到電視台錄影節目《百萬大歌星》。
自從發表完「沒離婚、沒分居」宣言，閉關七日嘅哈林今次再為工作現身，決定「封嘴」避談事件，亦對在場嘅記者視而不見。
當日《百萬大歌星》節目製作人薛聖棻代哈林報料：「哈林上次錄影時，就說那次說完以後就不講了，他這七天待在家裡弄唱片，心情還OK 啦！哈林十二月赴港主持《味分高下》第二季，所以我們要趕錄存檔。」
因為要錄節目被迫「賣笑」現身嘅哈林，當日對記者不瞅不睬，夜晚收工第一時間由助手車佢返屋企湊仔（下圖）。
兩大原則
對工作有責任心嘅哈林，除咗喺風頭火勢繼續錄影《百萬大歌星》，一早應承無線下個月嚟香港為《味分高下》第二輯《耳分高下》開會同試玩遊戲嘅哈林，同樣照原定計劃進行。
上輯《味分》叫好叫座，收視平均有29點，更於上屆台慶頒獎禮獲得「最佳節目主持」以及「最具創意節目」獎。
對《耳分高下》期待甚高嘅無線，早前舉行《2009無線節目巡禮》，安排哈林同拍檔鄧健泓為《耳分》拍攝宣傳片，重點向廣告客戶推銷全新節目。
哈林經理人孟美瑛向記者表示，哈林近排因為家醜事件，突然好多人搵佢登台唱歌，但佢只會按原則接工作：「哈林不是不愛錢，他工作的兩大原則是『和音樂有關』及『有趣好玩』，目前商演邀約的確很多，他還是先做好十二月推出的專輯，還有第二季的《味分高下》，之前反應好，他壓力也不小，希望大家多給他一點空間。」
因禍得福
除咗大堆商演搵上門，贏盡同情嘅哈林呢排人氣亦一時無兩。由佢主持嘅《百萬大歌星》，多得「綠帽緋聞」加持，即成為週末黃金檔綜藝節目收視冠軍，合共277萬人收睇，比上週急增22萬觀眾。
各界亦相當期待哈林下月推出嘅全新大碟，主打歌《迎著風的女孩》，由於歌詞其中一段係「愛你的只有一個人，愛你的只有一個、只有一個我……」彷彿講緊佢對伊能靜有幾痴心，唱片銷量即時被看高一線。
唔只哈林因禍得福，搞人老婆嘅黃維德，上個禮拜飛返台灣向拍拖18年女友陸薇雯（小陸）叩頭認錯同時，仲俾記者發現佢同香港導演馬偉豪high tea ，斟拍電影。
馬偉豪話，一早睇中黃維德：「我一直想和阿德合作，Samuel （黃經理人）陪我從香港來台灣找他，目前有兩部戲在籌備。」
為了做好明年推出嘅《耳分高下》，哈林除咗抽時間錄製節目巡禮，下個月仲會嚟香港開會同試玩遊戲，收每集10萬港元酬勞，哈林唔會交行貨。
喺國內有番咁上下知名度嘅伊能靜，開工有專人擔遮服侍，皇帝式嘅享受，又有黃維德拖手照顧，唔怪得之唔願返台灣做湊仔黃面婆。
公開致歉
緋聞無損財路，黃維德亦大方接受記者訪問，開腔為拖手事件解畫。
「一直以來我們（與伊能靜）是工作上的朋友，相互關心、照顧，此事造成很多人困擾，我很抱歉，我已跟小陸（女朋友）解釋過，她也明白了。」
至於點解拖住人哋老婆隻玉手，黃維德始終無解釋：「此事不重要，我希望不要再對任何人生活造成傷害，和她（伊能靜）是好朋友關係。」
在旁嘅經理人Samuel 亦加把嘴：「外面傳來傳去，很多事不是真的，他們（指伊、黃）從台灣到大陸打拼，會格外照顧，但都是工作上的事，今後阿德不再回應相關問題，過幾天他要回劇組，接下去要拍中央台大戲，明年拍電影還要出唱片，會非常的忙。」
黃維德強調，已經同女友小陸交代咗拖手事件，佢仲得到導演馬偉豪（右圖）賞識，遲吓有機會進軍影壇，真係天無眼。
暴瘦十磅
兩個男人各自精采，「世紀淫婦」伊能靜就無咁好彩，啱啱傾成做代言人嘅護膚品廣告，因為勾佬事件見財化水，近排仲有記者專登北上尋找有關勾佬線索，發現佢同黃維德一早住埋同一座大廈，夜晚成日拖手落街，所以上次俾人影到拖手相，絕非意外咁簡單。
事發至今，伊能靜一直未有公開交代事件，但佢就同身邊好友訴苦，話自己食唔安、坐唔樂，一個星期無咗九磅，瘦到得番九十磅左右。
而一向迷信嘅台灣人，就呢次婚變事件，不斷搵星座及塔羅牌大師，占卜二人運程。其中塔羅牌大師抽到「惡魔」牌，乘勢向伊能靜一沉百踩。
「『惡魔』代表性慾與美麗謊言，執迷不悔，被情慾沖昏頭，這麼差的牌，我建議哈林離婚算了，因為劈腿有第一次就會有第二次。」唯恐天下不亂，咪係呢類人囉！
19/11
阿媽勾佬爆醜聞，年少無知嘅「小哈利」，呢排由工人接送放學，見到屋企樓下有記者影相，仲好奇地望完又望。
伊、黃喺北京嘅住所，原本相隔三棟樓，但早排男方已經搬埋過去做樓上樓下「鄰居」。據大廈租賃部王先生（左圖）爆料，經常見到伊、黃喺樓下公園拖手散步，所以對近排嘅緋聞，笑稱已經見慣不怪。
