純粹嚟陪好姊妹shopping 嘅陸詩韻，手袋唔啱佢口味，於是全程專注講電話，而梁雨恩則嗱住手機影低心儀款式，據聞佢係買嚟送俾朋友，影低相俾對方慢慢揀。
同新進歌手梁雨恩私底下原來係好姊妹嘅陸詩韻，上個禮拜一（十一月十七日）孖住去佐敦shopping ，陸詩韻仲揸埋佢架Benz 出動。
去到百貨公司，梁雨恩專攻某隻牌子手袋，仲不時嗱住手機影低心儀款式。
講完電話，陸詩韻幫手俾意見，唔使梁雨恩揀到頭都痛。
Shopping 完行去嗱車，陸詩韻發現俾人撞花車尾，搞到旁邊嘅梁雨恩極之唔好意思。
當日嗱住成萬蚊個Balenciaga 嘅陸詩韻，對住眼前呢堆大眾化價錢品牌手袋，完全無興趣，此行只係陪太子讀書。
完成購物戰，兩個行返去街邊嗱車，陸詩韻離遠見到Benz 愛駒當堂嗌咗出嚟，事關車尾位置被人撞到花晒。
泊街領嘢兼無仇報，陸詩韻雖然肉赤，但依然照原定計劃車梁雨恩過香港區，真係好心無好報。
