高人真係........玩緊乜,大家心裡有數喇.....
當初跌穿二萬點時,高人記得話過幾時反手嗎?(搵下喇,肯定唔係14500,不過當時一穿左就無再發功一排.)
14500之後,幾多次話見底回升?如果次次都跟高人買,應該每幾多點跟一次?
高人係假設大家知道幾時係底,未見底就唔好跟?14xxx 跟一次?13xxx 好唔好跟?12xxx 時出得手未?11xxx 點算?10xxx 點解肯定會跟?-以高人之意,大家要識得,14xxx 衰完,中間唔好再信,10xxx 又再信番高人?
唔好講笑喇,如果大家自己知幾時係底,駛乜鬼"歸功"高人喎.
既然高人認為反彈後13800應該無出手,當日我話會先插再反彈時,佢又話要先上16000.話比人聽要睇上,但唔好出手? 當時明顯大家講緊短期先行邊個方向.插落成千幾點都唔當一回事?及後反彈幾百點就當大幅上漲,都未回家鄉就見"歸功". 大家點會知邊次睇上係要跟?
坦白講,有邊個睇市可以次次中架,有既都發左唔得閒同我地吹水喇.我地都唔會期望高人真係次次都中,高人亦唔需要對自己要求咁高.
如果只係日日話升,要睇既人自己去分析邊次真,邊次假,估錯就當無講過,撞中就自己推個post 出黎"歸功".
無留意舊post,初黎睇既人,真係會以為高人真係咁準,次次都中. 就唔知道當中有唔少次係要自己分析需唔需要跟既.就咁跟高人的話....好易出事.
或者可能因為高人次次講法一樣,大家好難分真假.可能大家真係誤會左高人,將高人搏大霧玩野既都當認真.
如果高人知道自己只係吹水想搏小反彈,中就"歸功"出頭,唔中就縮埋當無事時,請講明果野係撞既.等大家知道風險極高再決定跟唔跟.
到高真係覺得見底時,就肯定d 同大家講,咁咪唔會有誤會囉.如果唔係,阿水知道11xxx 之下反彈果句,同之前講既唔同咩....點知會唔會預左穿埋10000又再講9000一定反彈架.
股價既野,唔係升就跌,跌得差唔多自自然會反彈,如果無個時限,唔理中間點跌,家陣我話HSI 上50000點都會中.咁30000幾點時,駛乜走貨?應該入貨至係. 唔.....第日真係上到50000點時,我都要推番呢個post 上黎威下先.
又或者如果高人講埋佢既預言應該幾耐會發生,咁樣大家就唔會咁多誤會了,亦都可以考慮跟唔跟.
就好似最近兩次,估二日內大幅上漲,又估即日升一成至成二,雖然都結果唔知高人當唔當中. 不過有時限比大家參考,跟起上黎都易d.如果諗住幾個星期後至發生既,中途既升升跌跌就應該當睇唔到住,唔需要急急"歸功"吧.
眾所周知:中就"歸功",唔中就縮埋等,有無限資金去守既,真係幾難唔成日見"歸功"?.....除非HSI 可以長期跌落去,直到零點?
(人老了,口水又多左,希望高人唔好見怪)
