今日4點幾上左去ferragamo,唔洗排就入到場. 個場好大下,有幾千呎地方,好多貨. 原來唔洗邀請咭都可以入場. 佢仲收所有visa同master,不過sogo咭就無再多95折.
d袋,銀包5折到,有好多仲係08年款,全場袋超過30個款,有shoulder bag,hand bag,斜咩袋,手查袋,男裝公事喼同手袋. 我買左個黑色全皮輕身既shoulder bag,45折,係今年既款黎,折左都係$4,500,另外見到一個原價$13,xxx 減到$5,xxx 既金底少少橙粉紅色既皮袋銀扣icon collection 都好正,哩個仲係shop 正價賣緊既08年款黎,不過shop賣緊既就唔係哩個色.
d sales 好nice,我拎住2個袋唔知揀邊個好,個女仔sales 超好人,佢2個分別拎上身比我睇效果,比意見我,佢無因為係減價貨而唔理d客,相反仲對每個客都好細心同provide professional 既service 同advice. 我今次真係買得好開心.
至於鞋就5-8折,折左千零蚊對,有好多高踭同平底鞋,仲有1-2對boots款,男袋鞋都好多款.好多人買鞋.
衫同褸都有好多款,折左要千幾蚊件,我今次就無買lu.
我見到大部份人都買到野,尤其係鞋. 全場因為都好多款下,我決定明天星期五再上多去一次,睇下有無新野.
