聖誕節通街都閃閃發光，繽紛燈飾加上派對珠片戰衣首飾鞋袋，無不閃耀眩目，聖誕彩妝怎可以唔閃？NARS 08聖誕限量妝物當然跟隨大勢，都係玩閃，有明閃的紫色調眼影盒、亦有暗閃的啡橙組合，唇妝則力谷晶瑩與銀底色澤，相互mix &match ，可變化出多種彩妝，我一於買晒佢，出席不同聖誕派對，做個閃亮夜之女。
（11月17日有售）
左Night Series Mini Palette $560綴有閃爍幼細的金銀色閃粉，令閃亮度加倍。
右Holiday Palette #9947$560相比Night Series Mini Palette ，閃亮度較含蓄幼細，帶metallic 效果。
Lipgloss Collection $480
集合今季最受歡迎的顏色，火紅、淡銀紫、珊瑚橙、自然肉色至透明都齊，迷你版，還附有啞黑色如煙盒的禮盒，方便出街隨時轉妝用。
Tell me...含閃粒的眼影，效果雖閃亮，但大多粉質較鬆散容易掉落，所以想閃亮效果持久，秘訣是先以淡色cream 狀眼影膏打底，而上眼影時眼底可印上較厚的碎粉，即使有閃粒掉於眼肚，最後以化妝掃可一掃而空，唔洗用棉花棒逐粒挑咁花時間。
「用Night Series Mini Palette 唔同深淺的閃紫色眼影，可塑造隆重而性感的smoky eyes 。先以米色打底，blend 開深紫作smoky eyes 效果，最後灰黑色作眼線，而閃淺紫則掃於眼頭作highlight 。」
「若眼睛較浮腫，可選Holiday Palette #9947，以metallic 啡及橙色作主調，深閃藍作眼線，即可塑造立體鮮明的眼部輪廓。」
