如果香港有個模特兒頒獎典禮，今年job 量最佳Baby 絕對榜上有名。2%、麥當勞、~H2O+，Pizza Hut 以至全中國代言人的Clarins ，Baby 偶像周杰倫都要搵佢在演唱會伴舞。今年書展寫真戰時推出的一開二書冊，新近更進軍埋大陸，下月26日將於廣州舉行寫真集大陸版簽名會！在內地模不斷侵略本地同時，終於有位上海出世但香港孕育模反攻國內，年尾所屬經理人公司Style 推出的日曆，2月份出世嘅佢，當上1月份女郎，人氣指數仲使講！
Angelababy Profile
中文名：楊穎
出生：1989年2月28日（19歲）
身高：167cm
體重：43kg
代表作品：麥當勞（TVC ）
2%（支線O.D.F'07代言人）
化妝品Clarins （全國代言人）
~H2O+（Print Ad ）
《破事兒》（電影）
《LOVE Angelababy 》（寫真集）
最喜愛CD ：周杰倫《魔杰座》「佢好搞笑㗎，綵排時空檔會講gag ，話遮可一物二用，落雨得，避狗仔隊又得，嘻！」
最喜愛電影：《魔盜王》「向來鍾意有冒險成分故事。」
喜愛漫畫：《NA NA 》「啱啱出咗新一期，熱煲中。」
聲贏Janice Man
今年娛圈新現象除了一個個「鬥貴」婚禮，新現象莫過
模熱過界，Angelababy 與Janice Man 的戰況沒有女新人能及。訪問過兩位，外形瘦到條柴均100磅樓下，但講聲線我投Baby 一票，超甜勁有禮，答問題會放輕話：「係，係，係。」加上是天主教徒，袋內長放十字架頸鏈（下圖）外，每次訪問更補上「感謝」。
對於有傳兩大女神不和：「真係冇嘢喎，係我呢排成日飛，啱啱先去完泰國、日本（訪問時才剛落機），下星期又去北京，先比較少聯絡。」
Baby 拍攝1月女郎月曆時，著住私伙高跟鞋、See by Chloe 衫跳足2個鐘，問佢當時播乜歌，佢話唔記得，平日則最愛本地club 勁播的美國黑人歌手Ne-yo 〈Because of you 〉。
Bonnie Chen 陳碧蚵
Hope Lin 林可彤
Irene Wan 汪圓圓
月份未定 女模晒冷
靚模月曆除排頭位1月的Baby ，其他未定月份一樣有猛人，Bonnie Chen 陳碧蚵6歲起習體操，16歲前已贏過全國及青少年冠軍，話題更有曾被偷拍與李澤楷同遊泰國。最估唔到更有甄子丹姨仔汪圓圓，加埋台灣過江索模Hope ，名媛、冠軍乜都有。
寫真名攝C.K.
是次負責月曆及聖誕咭製作的是C.K.領導的Secret 9Production ，亦即上次替Baby 影寫真集的名攝，「每次都有驚喜，今次跳舞就有預期不到的strong 感覺。」
章子怡都用Stylist
今次月曆女郎衣服贊助為I.T ，做stylist 者更是為過多部電影與及曾幫章子怡做形象的Crystal ，佢讚Baby ：「日本少女style 同西方成熟style 一樣得。」
William 腳傷冇賜教
泰國、日本靚相未見得街，前頁大圖靚相晒冷則係Baby 經理人公司Style 的最新月曆照！本頁仲有公司聖誕咭，一次過有熊黛林、Baby 等13位索模，Baby 話：「好熱鬧，十幾個model 響酒店（馬可孛羅酒店）房一齊化妝好似開party 。」相反，單獨為Style 影的月曆卻苦差得多：「因為主題係跳舞，結果一個shot 就聽住hip hop 音樂著住高踭鞋跳足兩個鐘！痛咗兩日要去腳底按摩。」講到跳舞，緋聞男友William 至耍家，有冇請教？「佢好似早排整親隻腳，唔好阻佢啦。」
目標Kate Moss
14歲出道，上海出生的Baby ，影下不少靚廣告照，但講到最深刻非衣錦還鄉的護膚品牌Clarins ，「上次去上海見到自己幫Clarins 拍嘅廣告最有成功感。我最欣賞model 係Kate Moss ，因為佢係一個全球性嘅fashion icon ！佢係我目標。」7月份時寫真集大戰，JJ 、趙碩之、HotCha 等等，暫時只得Angelababy 成功打入國內市場，下月殺到廣州開簽名會。「返內地工作時都會遇到幾多人認識我，但主要係後生細啲嘅。」我諗，點會有人鍾意老㗎……William 識Baby 時都係16歲啦！
邊偷拍邊影
13索模於海港城影聖誕咭大合照，成為狗仔隊焦點，官方要搭成黑帳幕保密，13娘子軍連化妝唔使5個鐘影完，爽手！
左起：戴小奕、林可彤、汪圓圓、劉丹、陳逸璇、姚書軼、熊黛林、顧蕾、劉婉婷、楊穎、Kristina G.、陳碧蚵、陳慧敏
iPhone 跌落廁所，用回舊電話Sony P1i ，screen saver 是早年出道由Wing Shya 拍下的Motorola 照，電話繩更與Wing Shya 般用上史迪仔。
繼續用Chanel 約$21,000（專門店已斷貨，2手價約$16,000。）
袋要貴，表就又平又潮都得，ToyWatch 閃bling 已斷市。（Yahoo!2手價$2,800）
零食最愛香味濃Ice Breakers 糖$23（city'super 有售）
最愛民族風日牌Love Girls Market 的香薰支，「呢支好似7喜味！」$10/3支（Love Girls Market 百德新街店）
Baby Recent Picks
Baby 一時玩涉谷109大鬈啡髮、一時玩ethnic 民族風，名牌貴嘢則媽咪愛Jimmy Choo 、自己嗜Chanel ，每次同事穿上，都說：「嘩，好靚呀！」再謂：「我要儲錢買呀！」搵到都唔大使，嚟緊更會慳啲使，「而家樓價低，我想儲錢買樓，所以早排我部心愛iPhone 跌落廁所，我都唔買番。」所言非虛，慳得就慳。
