特稿減價場內易迷失 付款前三思五秒
停一停，諗一諗。消費者在大減價場易「迷失自我」，消費者委員會及學者提醒，到百貨公司的「預告式」減價活動前，最好先到該店「做功課」查看心水貨品，減價日便可「擇肥而噬」，付款前應最少給自己五秒三思。地球之友今日更會到一田百貨呼籲消費者要「理性消費」，以免製造大量垃圾。
買食品需注意日期
消委會發言人說，商戶大減價時都會聲稱以「正價」計算折扣，但所謂「正價」往往可能「平時都冇賣過咁貴」，故此，若商戶預告將減價後，有興趣的消費者可先到該店查看平日的真正售價，又可慢慢選擇心儀貨品，到大減價當天便可第一時間購買：「快啲畀錢唔使排長龍。」他又說，搶購食品時應注意食用限期，因大量購入後，食物容易因積存太久，導致過期而只好棄掉：「呢個情況最普遍。」中文大學巿場學系教授冼日明說，大減價的顧客若發現心儀貨品遭搶空，便容易因「排咁耐隊買唔到嘢，覺得唔抵」的心態，胡亂搶購餘下貨品：「呢啲心態要戒，因為買錯嘢仲唔抵。」他說最有效方法是付款前，給自己五秒考慮：「或者遲啲買仲平呢。」本報記者
銅鑼灣時代廣場展銷集內，昨日擠滿掃平貨的市民。黃耀興攝
