當紅小生紆尊沖咖啡林峯電親泳兒朱唇
林峯和泳兒日前為合唱歌拍攝KTV ，兩人飾演情侶，林峯獻出他的第一次，沖咖啡給泳兒飲。當他用手輕碰泳兒嘴唇時，泳兒表示有觸電感覺，不過卻嫌他太過靚仔，缺乏安全感。
林峯和泳兒日前為二人首隻合唱歌《明天以後》，在尖沙嘴一咖啡店拍攝KTV ，吸引不少路人圍觀，林峯更將他的第一次奉獻給泳兒，令她受寵若驚。
首次沖咖啡的林峯，細心為泳兒調製香滑咖啡。
泳兒坦言林峯是理想情人，但嫌他靚仔沒安全感。
靚仔冇安全感
林峯被熱情的fans 包圍影相，場面墟
。
劇情講述林峯親手沖咖啡給泳兒喝，林峯在現場即學即沖，他笑說：「我都係第一次沖咖啡畀人飲。」之後二人還親密地一杯咖啡兩份飲，林峯見泳兒唇上沾上忌廉，主動用手幫她輕抹嘴唇，狀甚溫馨，儼如熱戀中的情人。當日林峯帶病拍攝，泳兒被他輕抹嘴唇後笑說：「真係有啲觸電嘅感覺，搞到我都有啲怕醜，佢有病我都唔介意同佢飲同一杯咖啡，不過見佢都只係輕輕掂吓杯咖啡，都係唔想傳染啲病畀我。」她大讚林峯靚仔有風度，問林峯是否她的理想情人？泳兒坦言：「都係㗎，不過佢太靚仔，我怕冇安全感。」林峯表示與泳兒非常有默契，他說：「我哋呢隻合唱歌係分開錄音，不過都試過做騷時一齊唱，大家把聲都好夾，好有默契，好似唱過好多次咁。」
大讚聰明醒目
問林峯對泳兒的感覺，他說：「記得佢出道時送過隻碟畀我，覺得佢把聲好好聽，認識咗之後，發現佢聰明醒目同得意咋，仲係一個好乖嘅女仔。」採訪：胡比 攝影：陳慧安
林峯為泳兒輕抹嘴角，令她有觸電感覺。
