新衫可以唔買，但點都要食。有外國文章講，出外用膳貴，可以喺超市買食物自己煮飯，仲有幾點可以慳，不過未必樣樣都岩香港用。首先，還原基本步，只留意真正要用的。搵一間齊全又抵買的商舖，一次過買多啲儲貨。雖然香港買嘢方便，未必用得著，但只要唔揀飲擇食，見乜平就買乜做
。其次，發掘特色舖。文章話新澤西有美籍韓國人開嘅商舖，所賣生果同蔬菜價錢平三分二。不過，香港特色舖價錢通常會貴啲，要畀心機搵。
睇清標籤格價
最重要係買嘢前睇清楚標籤，同一產品不同包裝，以份量計可能細盒裝抵過大包裝；見到價錢減咗亦未必著數，因生產商可能偷偷將份量縮細。而家於超市碌卡有特別折扣回贈唔多，暫時只有enJoy 卡及Compass Visa 白金卡，但只可到指定超市消費，而且優惠期就快完結。enJoy 卡於每月2號或20號都有九五折，直至下個月20號，但某啲指定貨品及禮券除外；Compass Visa 白金卡回贈期長啲，到明年1月24號，但只限星期六，買滿500元就有5%回贈，每月上限50元。此外，新客申請永亨better 卡，今年底前任何日子到5大指定超市，單一簽賬滿400元有5%回贈，上限200元。
吼準超市特價貨慳多啲。資料圖片
