周秀娜以短裙上陣為賽車電玩遊戲宣傳。
有翻版樂基兒之稱的周秀娜（Chrissie ）昨日以短裙造型到旺角出席電玩遊戲宣傳活動，她笑說玩賽車遊戲夠刺激，所以喺短裙配合有種熱血沸騰的感覺，不過Chrissie 就倒米指平時甚少打機，只會在拍戲等埋位才打手提電子遊戲機。問她可會擔心被指不夠專心？Chrissie 說：「劇本應該一早就熟讀好，唔係去到拎住個劇本就代表勤力，我當然係做好晒準備至會玩。」
搏命搲銀Chrissie 最近忙於演出新片《玩大咗》，戲中大玩制服誘惑，她說：「導演要我喺密實制服都要做到好性感誘人嘅感覺，我都覺得好難做，不過導演都收貨，其實唔性感冇問題，最緊要係拍得我靚。呢排都係開通宵更，日頭又要接job ，搞到個人好辛苦，不過我都寧願辛苦搵多嘅錢，後生女唔怕捱。」
採訪、攝影：魯萍
周秀娜拒絕機癡做男友
19/11/2008
周秀娜於旺角街頭大騷長腿，出席新電玩遊戲發布會，吸引不少影迷在場拍照及圍觀。周秀娜坦言不會沉迷打機，只會用來消閒，更稱很介意男友是電玩一族：「好憎
男仔淨係沉迷打機，問佢乜都冇反應。其實揀男朋友最緊要都係唔會發酒癲，試過有個朋友一飲酒就四圍撩是鬥非，仲要屢勸無效。所以我依家學精，
佢未飲醉前就自己走先。」周秀娜於現場玩賽車電玩時非常生手，經常「撞車」。她笑言：「咁撞法死九次啦！不過我最近都想考牌，不過我聽朋友講依家養車好貴，我要儲錢呀。」
周秀娜出席新電玩遊戲發布會大受歡迎。
周秀娜拒愛打機男
19/11/2008
昨日周秀娜出席活動時大騷長腿，吸引不少拍友圍觀。問到揀男友的標準，她說：「好憎男仔淨係沉迷打機，問佢乜都唔應。我亦好抗拒男朋友發酒癲，試過有個朋友一飲酒就四圍撩事鬥非，仲屢勸無效，所以我依家學精，佢未飲醉前就自己走先。」她又表示最近忙拍新片《玩大》，與一眾年紀相若的演員相當投契。片中與小肥飾演一對的她，與對方四目交投時即忍俊不禁，相當搞笑。
