上週六（15日）曾愷玹同黃覺拍咗成套劇最激嗰場咀戲，不過兩人唔使點NG ，咀兩次5分鐘搞掂，曾的經理人（箭嘴）更在旁邊影相監場。新晉台灣女神曾愷玹（Alice ），拍完電影做完廣告代言人後，最近更殺入大陸搵人仔，擔正湖南衛視劇集《愛．盛開》做女角。
不過台灣妹喺大陸做女主角咪以為好盞，住零星賓館冇啖好食預咗，最慘係食餐飯都要焗睇男主角黃覺當住佢面換褲，底褲送飯應該別有一番風味。
曾愷玹話今次拍苦情戲要成日喊，所以化妝都要整粒淚
配合吓，曾愷玹說：「粒淚
是加上去的，我覺得加了更有說服力，也很美呀！」
在橫店影視城開鏡已兩星期的《愛．盛開》，台灣女神曾愷玹今次擔正做女主角，演一個全家被殺害的孤兒女，仲要禍不單行愛上懷疑滅門仇人黃覺，曾愷玹說：「今次很有挑戰性，套劇的感覺很抑鬱，要經常哭，所以我經常都自己坐埋一邊培養情緒。」劇中一日喊到黑小兒科，鏡頭外先至褻瀆「女神」。
驚見
曾愷玹明明食緊三文治，黃覺走過去無啦啦
低身，曾愷玹唔知乜頭乜路梗係望兩眼睇吓乜事。
扮傻
點知黃覺原來當住佢面成條褲除晒剝剩條灰色老底，曾愷玹嚇到耷低頭扮睇唔到，蝕底晒咯！
黃覺
硬啃灰底《愛》劇男主角黃覺在國內都算知名小生，雖然係國產，但黃覺性格原來幾open 。上週五（14日）曾愷玹趁住放午飯時間在片廠內食個三文治
吓讀吓劇本，點知黃覺突然同助手出現，二話不說當住曾女神面前除褲換戲服，貼身底褲果然雄赳赳，嚇得曾愷玹即時耷低頭扮鎮定專心食包，呢場戲應該仲難做。
至上週六（15日），歎完黃覺底褲之後，曾女神又要同佢拍咀戲，好在全套劇最激都係呢幕，曾愷玹蝕極有個譜，曾愷玹說：「看劇本都已經知道有這一幕，我不覺得尷尬呀，也不需要清場，反而是掌握感情比較困難！」
80萬利誘據知曾愷玹首次拍大陸劇，全套劇硬掘收80萬人民幣，開工焗啃灰底，工餘時間惟有食好嘅，不過橫店啖飯似乎不太岩曾愷玹胃口，曾愷玹自己亦說：「我不愛吃得太肥膩，這里的食物真的有待改善。」冇啖好食，加上同其他內地工作人員住埋一間冇星賓館，人仔唔易賺，陰功豬咯！
民國萬人迷今年33歲的除褲壯男黃覺在內地屬一線尾小生，由於經常飾演民國闊少角色，所以人稱「民國萬人迷」，03年同周迅拍電影《戀愛中的寶貝》因有激烈床戲而同周迅傳出緋聞，不過黃覺的真命天子原來係內地名旦徐靜蕾，兩人最近還傳出婚訊，邊估到佢原來咁open。
曾愷玹見親人都set 到行，家陣返大陸拍劇梗係要接近當地民風，你有幾何見過女神踢拖喺運動褲唔化妝就咁出街先？
女神都要捱返大陸拍劇出名辛苦，食同住都唔慌好，不過曾愷玹就話留喺大陸時間長，反而有得
，曾愷玹說：「我在香港拍戲，每天也只得3小時睡，在這里反而準時收工，不過食物真的有待改善。」
清湯火鍋3個月流流長，曾愷玹最愛去當地「澳門豆撈」打邊爐，不過佢驚熱氣，只揀清湯湯底，而且曾在酒店房內放滿各式零食，女神都一樣愛食口立濕。
訓賓館曾愷玹住喺當地賓館，房價150蚊人仔一晚，唔使講都知cheap ，有熱水沖涼算執到咯！
有公廁郭羨妮當年返大陸拍戲，要在山邊大解，家陣內地周圍有廁所，女神唔使通山屙咁失禮。
年頭同小豬拍嘅洗頭水廣告，收100萬港紙，仲要連內地都有得睇，帶挈埋曾愷玹殺上大陸。
最近播到爛的OLAY 代言廣告，問佢平時有乜方法keep 住靚樣，曾就即刻上身話：「我會用OLAY 嘅晚間保護面膜敷面！」襟撈！台灣《蘋果日報》圖片
女神逐樣賣喺台灣做model 開始的曾愷玹，拍完周董的《不能說的．秘密》賣清純掂咗，之後極速殺落香港拍戲，不過最搵錢都係成名後狂接廣告搵錢，除咗有美白牙齒貼片廣告外，最近就有同小豬拍嘅Rejoice 洗頭水同袋200萬港紙做OLAY 代言人，髮膚樣樣有市場，斬件賣有so 呀！
