阿葛，你起唔起到身㗎？我又嚟試吓先！
彤彤，呢招坐蓮係邊個教你㗎？
小五彤彤︰我大伯教我㗎！佢功夫好叻好出名㗎！以上全屬真實對白《一擲千金》變歷史、《亮相》又out 咗，最新考到爆頭係《係咪小兒科》。
無線買下美國《Are You Smarter Than A 5th Grader 》的節目版權，找來古巨基做主持，每集搵唔同藝人，挑戰小學課本問題，一百萬為終極獎金。
每集10條題目，頭三集嘉賓吳君如、郭晉安和蘇施黃，都答到O 晒嘴！個個嗱得5萬走人。
嘉賓贏錢辛苦，又俾班尖子花𡃁玩殘，反而主持古巨基賺錢易，每集4萬酬金，26集穩袋104萬落袋，點算小兒科？
耍埋功夫每集有份做精英小組嘅小學生，除咗讀書要叻之外，仲要有才藝搭夠，呢一集來自將軍澳官立小學嘅彤彤（灰衫）就同葛民輝大玩功夫—坐蓮。古巨基做莊，頭炮阿媽級吳君如，之後郭晉安、蘇施黃和上週的森美，人人睇住班尖子學生牙尖嘴利，反而自己口窒窒，記者早前到《係》錄影廠探班，該集嘉賓為搞笑阿葛葛民輝，此集會於月底播出。
一線價錢古巨基古sir 上身，據知每集嘉賓都由佢親自邀請，而無線初步草擬主持時，已鎖定要搵基仔。「開會嗰時已經諗起基仔，因為做得呢個主持，一定要反應快，鎮定同埋有壓台感，咁基仔畀人嘅感覺係好定，而且感覺佢同小朋友好接近，以前又做過娛樂節目主持，急才呢方面我哋完全唔擔心。之前做完2集試玩，美國方面都覺得好滿意。」幕後人員更透露，古sir 今次以4萬一集作酬勞，絕對屬一線主持級數，比起「亮相葛」更多出2萬。
尖子上場《係》由上月底首播，每集的小學問題，連大人都考起。無線節目發展部Elisa 話：「我哋買晒全部小學嘅課本返嚟，經我哋同事睇晒之後，再抽出一嘅問題，用生動嘅方式，放喺呢個節目度發問，當中有嘅問題係喺《智激校園》（爛gag 王高皓正主持的兒童節目）中抽出嚟。」
每集被安排協助嘉賓答問題過關的5位小學生，原來都經嚴格挑選。「小朋友全部係自己寄信嚟參加，佢哋要帶埋成績表面試，我哋唔會專登揀名校，不過就一定要讀書成績叻至會作考慮！」記者探班當日，就讀小五的彤彤就話：「呢個節目好好玩，我全部題目都識！」
學生有投入感，師奶家長又懶緊張，最高22點收視網盡大人細路，雙贏！
貓紙現形未正式錄影，基仔先出嚟同觀眾熱身，其間有唔少𡃁迷搵佢簽名，果然好受小朋友歡迎喎！出名手汗勁嘅基仔，仲整濕晒貼咗乖仔Kubi 嘅貓紙（右圖）添！
考起阿葛咪以為瓣瓣掂嘅阿葛可以輕易嗱走獎金，其實佢晨早已經用晒3個法寶，最終只嗱走十萬，都算係暫時至勁嗰個！
4歲葛仔每集嘉賓例牌要晒童年相，阿葛話：「舊時邊有相機㗎？咁4歲嗰年我表哥專登由對面海坐船嚟荃灣福來
幫我哋影相，嗰時邊識呀，淨係識一個pose 企定定影，所以細個影親相都係咁！」
全身過萬Polo 上陣
「雷頌德係Polo 嘅fans ，我成身都係問阿Mark 借㗎！佢做形象指導岩晒！呢度成身加埋過萬㗎，真係要多謝佢sponsor ！」
你識唔識？1.以米字作部首，在米字的左、上、下和中間各寫一字。
2.填上適當英文字。mic__ach
3.《賣火柴的女孩》屬於那一類童話？
a.格林童話
b.伊索寓言
c.安徒生童話
4.熊先生和熊太太現時合共88歲，而熊先生比熊太太大12歲，請問熊太太十年後多少歲？
答案：
1.粒糞粟粥
2.E
3.C.安徒生童話
4.48歲
美正版
原裝美國版由Mr.Foxworthy 主持，場景同香港版一模一樣，模式都係，唯一唔同嘅係主持只係喺西裝，比較嚴肅。
台抄版
台灣有個《百萬小學堂》，由幾十歲張小燕做主持，呢集鄭元暢做嘉賓，衰喺「台灣面積有多大」呢條題目，嗱得2,500台幣（約六百港幣）走。
照辦煮碗無線用咗過百萬，買咗美國呢個原名《Are You Smarter Than A 5th Grader 》嘅節目返嚟，改名做《係咪小兒科》，其實節目內容同美版一樣，只係主持嘅服裝唔同咗，同埋嗰一百萬獎金，係美金同港銀嘅分別囉！
