自爆醫院咀尹佬慶功米雪直認領養子女失敗
米雪以大熱姿態成為視后，事業再上一層樓，而身邊好友都為她和男友尹志強婚事著急。前晚米雪到銅鑼灣出席慈善首映，好友舉手表示出錢擺30圍酒催她結婚，米雪又直認當年曾申請領養小朋友，但因未結婚而失敗。
日前米雪在《萬千星輝頒獎典禮2008》中成為視后，實至名歸，凌晨時分到醫院探望男友尹志強，並帶喜訊給他。前晚米雪到銅鑼灣出席台灣電影《海角七號》的慈善首映，問到當晚在頒獎禮上是否想喊？她說：「係呀，我忍住，唔想喊到流晒鼻涕口水咁肉酸，所以先至忍住。」
老友擺30圍酒催婚
至於尹佬得知米雪獲獎有沒有喜極而泣？她表示沒有，不過她說：「佢就話我終於得到，話我辛苦同努力咁耐終於得到，開心啦。」同場的曾志偉表示他和譚詠麟及陳百祥願意出錢提供酒席合共約30圍，希望米雪和尹佬早日拉埋天窗，米雪聞言笑說：「多謝，不過尹佬咁多老友，30圍唔夠喎，籌多幾個老友先得。」記者笑問100圍夠不夠招待好友？米雪笑說：「咁就差唔多，多謝。」米雪又坦認早年曾和尹佬考慮領養一男一女小朋友，奈何因未結婚，故不合資格。米雪昨早又接受商台訪問，談到當日拍《溏心風暴之家好月圓》時尹佬十分支持，她嗚咽著說：「當晚嗱完獎去探佢，佢都有錫我同攬我，平時就算有護士我哋都會咁，好西化。」至於是否結婚，米雪坦言因年紀大，覺得未必有此需要，而且希望證明即使沒有婚書，兩人都能相處得很好，她笑言：「做人老婆要煮飯同埋好似好多嘢要跟咁。」假若真的結婚，米雪相信朋友會幫他們處理一切，但她表示必會大排筵席招待親友。
E Cup Baby 劉欣宜頻頻出席首映活動，積極爭取曝光。
米雪自爆跟尹佬在醫院有攬有錫，慶祝成為視后。
待尹佬身體好結婚
Mandy 刻意踎低扮矮，跟曾志偉開玩笑。
米雪昨日傍晚再在將軍澳電視廣播城為台慶綵排，談到要結婚才合資格領養小孩，會否因此考慮和尹佬盡快結婚？她說：「係啦，但要等佢身體好啲。」米雪透露今次尹佬未求婚，但今年絕對不會結婚，至於明年會否成事，則仍未知道。另外，張學友早前接受訪問時踢爆志偉在雷曼事件中損失不少，志偉前晚在首映禮笑說：「我第一個認，不過我冇佢咁慘，學友咁多錢，不過佢唱一場演唱會好過我拍幾部戲，佢做一次巡迴好過我做一世。」採訪：藍文浩攝影：陳慧安、陳俊強
米雪和尹佬拍拖多年，不少圈中友好都希望他們早日結婚。資料圖片
