「點解警方同管業處可以無動於衷，啲毒餌周街放，細路仔食咗就大件事，唔通真係要搞出人命至會理！」東涌裕東苑出現毒狗狂徒，上周一名女住客的愛犬誤吃毒餌險死。女住客報警及求助管業處均遭推搪投訴無門，女住客氣憤不滿：「究竟可以點做？」 記者：劉柏麟、陳達浩
揭發毒狗案的劉太是裕東苑住客，上周二她養了15年的西施犬「妙妙」幾乎被毒死，她說最恐怖是狂徒在公園及村內通道亂放毒餌，「啲毒藥係一粒粒嘅老鼠米，公園又有細路仔玩，最怕佢哋（指小孩）以為係糖嗱嚟食」，希望警方正視。
小狗中毒吐白沫
上周四早上，劉太在同一燈柱下發現另一堆混有紅色老鼠藥的狗糧。讀者提供圖片
「當日朝早8點幾，我帶妙妙去啟東閣對開公園散步，當時狗仔喺草坪燈柱旁食咗啲狗糧，點知就出事」劉太緊握雙拳憶述小狗毒發時口吐白沫狂嘔吐，她說把狗抱回家猛灌水，直至吐出一堆穢物才保住小命。劉太折返公園在燈柱旁發現一堆混有藍色懷疑老鼠藥狗糧，她取了毒餌交管業處，處方一名職員收下毒餌對她說「差人收咗納稅人嘅錢，你應該報警。」其實裕東苑是禁止養狗，劉太說「即使唔鍾意啲狗，都唔應該落毒」她批評毒狗狂徒罔顧法紀。兩日後劉太到北大嶼山警署報案，「點知仲激氣，個警員首先話唔會化驗毒藥，而且捉到放毒藥嘅人只能告他亂丟垃圾，查實你係屋苑範圍搵到（毒藥），你有交管理費，應該搵管業處啦。」「估唔到差人同管業處互相卸膊，我就好似人球！」劉太氣憤離去。至上周四（11月13日）她又在公園草坪發現另一堆混有紅色老鼠藥的毒餌，她決定再去報警，可是警員一句「而家冇狗中毒，我哋唔可以做啲乜。」令她徹底失望。
警稱巡查無發現
記者現場視察，發現狂徒放置毒餌的確觸手可及，潛伏危機，裕東苑管業處稱發現毒餌草坪屬隔鄰富東村範圍，房署則指未接獲毒餌報告。警方發言人證實上周四收到裕東苑發現毒狗糧報告，稱已派員巡查但無發現，重申虐待動物是嚴重刑事罪行。
劉太所養小狗上周中毒死過翻生，她指毒餌放在草坪燈柱旁，小童亦可觸及，十分危險。劉柏麟攝
