方力申怕打單泡睇戲
方力申向來甚少行街購物，不過日前卻見他孤零零於中環ifc 行街，當日下午四時許，戴上粗框眼鏡的小方獨自於商場閒逛，見他漫無目的地四處遊蕩，最後還前往附近的戲院，只見他在戲院外徘徊了一會似打算購票睇戲。此時他發現記者在拍照，一向對傳媒甚為友善的他竟一反常態，即時擰歪面避鏡頭，最後連戲也不看匆匆往停車場取車走人。
方力申聲演專人監督
方力申昨日出席動畫新片記者會，在片中聲演斑馬的他大嘆「配到悶」。他談到片中一幕一人分飾多角的情節時說：「其中一幕講我去到非洲大草原，見到成千上萬隻斑馬，我要一人分飾多角，逐條聲去配，『哈囉』、『喂』，配到個人都有
悶。今次夢工場仲搵
專人
監督我
配音，上集都冇
，不過我冇乜壓力。鄭中基話佢今集冇人工加，但我有喎！可能佢係主角，酬勞由上一集開始已經同其他人唔同。」而周柏豪則與田蕊妮在片中用聲音談姊弟戀：「記得同田蕊妮埋位配音
時，阿田話『你可以用聲音同我談情，但係現實中就唔好諗』。」
E Cup Baby 明搶Stephy 飯碗
E Cup Baby 收起可愛笑臉，懶洋洋躺在梳化上，散發另一種魅力。
擁有34E 導彈上圍、年僅20歲的「E Cup Baby 」劉欣宜自從動漫節彈出後，她誓要憑巨胸賣點進軍影壇，擺明要越級挑戰新一代玉女掌門人鄧麗欣（Stephy ）。E Cup Baby 更頻向Stephy 兩位緋聞男友方力申和葉念琛送秋波。撰文：比華利
年僅20歲的E Cup Baby ，坦言很想拍葉念琛的電影。
人物誌：劉欣宜（E Cup Baby ）
年齡：20歲
三圍：34E 、24、34
入行：今年動漫節Bandai 宣傳女郎
年僅20歲的劉欣宜憑天賦的34E 上圍，在今年動漫節中成功搶灘，被網民稱讚是天使和魔鬼的結合，立即被封為E Cup Baby ，她十分受落。雖然大家的焦點都放在她的巨胸上，但她說：「我有腦又有計劃，趁後生花兩年時間入娛樂圈發展，我好想拍戲，希望有導演可以高抬貴手畀機會我試吓。」
（左起）葉念琛、Stephy 和方力申這個鐵三角組合，E Cup Baby 很想置身其中。資料圖片
「我跑步好震盪」E Cup Baby 所屬的經理人公司Stage Models Ltd 承諾全面配合，恨拍愛情片的她，最想跟愛情小品導演、Stephy 的緋聞男友葉念琛合作，E Cup Baby 說：「我真係好鍾意睇佢嘅戲，好似《獨家試愛》同《十分愛》都有睇，佢嘅故事簡單又感人。」
問E Cup Baby 視那位女藝人為目標？她說：「Stephy 囉，佢又靚，事業又成功。」若拍戲，她想跟那位男星拍檔？她說：「好多選擇，不過葉念琛嘅戲好多時都搵方力申，我都想同佢合作㗎。」言下之意，目標鮮明的E Cup Baby ，有見Stephy 近日人氣下滑，不但想搶攻她的位置，還想打她兩位緋聞男友主意。
E Cup Baby 表示34E 巨胸曾為她帶來連番尷尬和驚恐，她說：「中學最怕陸運會，自知身材好，跑起步嚟好有震盪感，經常成為焦點，入到女廁
換衫，女同學又成日趁機拍我個胸，真係痛到死。」
遭色狼性騷擾如非工作，E Cup Baby 平時盡量打扮密實，以免遭色迷迷的眼睛非禮，她說：「前幾日，我準備去casting ，係喺得性感咗嘅，喺街度忽然有個男人行近同我講：『哇，好大』，嗰刻我真係嚇到呆咗，好彩佢只係動口冇動手，我即刻行開。」
ECup Baby 的身材得天獨厚，令人羨慕，但她卻極抗拒，她說：「負荷好大，最難係買胸圍，一定要揀外國size 。我覺得女仔平均有B 到C cup 已經好完美，太大反而唔方便。」
攝影：林德雄
化妝：Kathy L.（Ciao Bella ）
髮型：Zap （Chin.G ）
服裝：Sistyr Moon
論盡𡃁模為Janice Man 平反𡃁界女模一浪接一浪，以下是E Cup Baby 對一眾𡃁模的看法：
《Janice Man 夠潮》
「雖然好多人話Janice Man （文詠珊）好MK ，如果佢都MK ，咁我仲MK ，我好鍾意佢嘅賣點係夠in 夠潮，佢每次出鏡都好cool 好有型。」
《趙碩之有個性》
「我認識趙碩之，佢之前係長頭髮，後來先剪短，不過短髮look 仲襯佢，令佢更有個性。」
《Kama 要減肥》
「Kama （羅凱珊）嘅優點係笑容可掬，畀人好可愛嘅感覺，不過略嫌有baby fat ，最好減少少。」
《周秀娜夠白滑》
「佢嘅白滑皮膚畀我好深刻印象，一白遮三醜，我羨慕到暈，加上佢身材夠豐滿，一句講晒正囉。」
