榮升老闆娘後，邵亦比前親切，對記者有問必答。本周一，她出席《珠》劇活動時說：「美容唔係只睇外表，五臟六腑保護得好，都對美容好有幫助。」十分hardsell 。
人氣劇《珠光寶氣》中，邵美琪飾演的康雅言進取心極強，為了事業連婚姻也輸掉。現年43歲的邵美琪，現實中的感情經常買大開細，她惟有靠自己，早前便豪氣投資6位數字，入股中醫美容學院。
為了鋪排女強人之路，邵美琪除親身赴湖北學抗衰老中醫療程外，更以自己做生招牌，在她有份投資的美容學院中，硬銷由其肖像做「嘜頭」的抗衰老面膜，果真助己助人。
近年感情冇喺落的邵美琪（Maggie ），早前以玩票性質斥資6位數字，入股「傳美經絡美容學院」做董事。據知情人士透露，邵美琪當初搞中醫生意純粹生活過分「清閒」，「大家都知Maggie 冇拖拍好耐，佢朋友咪叫佢拎幾十萬出嚟入股落中醫美容學院囉。點知俾Maggie 一擊即中，幾個月左右就賺番嘅本，於是佢咪愈搞愈大囉！」
邵美琪學以致用，早前在一個健康博覽會上，即席示範經絡按摩。《蘋果日報》圖片
「嘜頭」做生招牌邵美琪有份投資的美容學院，除了提供數百元至萬元不等，五花八門的中醫課程外，她更成功取得主張「磁化作用」，以磁化導入人體活血抗衰老的日本品牌ReJeune 的香港代理權。為了慳筆代言人費用，邵美琪索性自己做埋生招牌，賣抗衰老面膜等一系列護膚產品。「Maggie 以前嘅魚尾紋好犀利，皮膚又乾，佢用完之後係好咗嘅。佢好大口氣㗎，話想隻產品可以有70%嘅美容院採用喎！」據知這兩門美容生意已令邵美琪年賺百萬，更令她成為香港抗衰老協會交流大使，早前她亦曾到重慶親授國內同胞抗衰老秘技。睇嚟她拍劇以外，還甚有生意頭腦。
大海報生招牌邵美琪確實有計，學院正門便擺了她和另一合夥人的宣傳海報，十分搶眼。而她的照片旁邊還寫上「董事」銜頭。
招牌位下就放了兩座觀音像，而地上除有招財貓外，還造了一個假水池，看來是招財陣。
在學院壁報板上貼滿邵美琪的活動照片。
課室尚算寬敞，可容納近一百人，而牆上亦貼了邵美琪的大海報。
課室對出的告示板上張貼了課堂時間表，記者上門當日，一名職員表示：「邵小姐有時會上嚟分享下美容心得。」
由邵美琪代理的抗衰老面膜一包有4片，更附送嘜頭和簽名。這隻品牌在日本很多美容院都常用。
一系列的美容護膚產品更擺放在學院當眼處的貨架。
《蘋果日報》圖片
邵：生活好充實本周一（10日），本刊記者在《珠》劇記者會上問及邵美琪，她亦默認美容學院帶挈她唔少，她說：「賺錢嘅嘢……OK 咁啦，唔好講啦！其實我開美容學院嘅過程令我學到好多嘢。當初我自己好想學一嘅新嘅知識，又想幫吓屋企人紓緩神經，咪自己去湖北學咗中醫美容。我覺得依家生活好充實，可以識到一班講健康話題為主嘅新朋友。」
近年邵美琪鮮有緋聞，今年5月，被拍得夜會越南餐廳「火車頭」老闆兼陳伶俐情夫李成文。事後兩女一同出席活動闢謠（右圖）。
5千呎學院解構「傳美經絡美容學院」成立於2002年，位於佐敦四海大廈，學校樓層面積逾5千呎。記者曾於辦公時間到過上址，發現美容學院的職員大約共15個，而當時亦未有舉行課程。一名職員說：「我哋嘅課程要就番學員嘅時間，一般都會選擇喺夜間開班。而課程主要俾在職嘅美容師選讀，課程類別亦有好多種，由理論性到文憑證書課程都有。」課程收費由數千至過萬不等。而導師是來自湖北中醫學院，有認可資格的教師。
