陳敏之百萬鑽飾壯聲勢
陳敏之在今晚舉行的《萬千星輝頒獎典禮2008》中，有份角逐最佳女配角及飛躍進步女藝員獎，自然要扮靚靚到場，曾揚言要以真空晚裝應戰的她，日前又到尖沙嘴謝瑞麟揀選價值逾百萬的鑽飾裝身。
盼奪飛躍獎
為隆重其事，陳敏之專程往試戴鑽飾，希望在頒獎禮上更搶鏡。場地及首飾提供：謝瑞麟
敏之說：「女配角我睇好楊怡，我好想佢嗱，我自己就梗係想要飛躍進步，呢個獎代表我今年有進步，係對我嘅肯定。希望我今年做咁多嘢，可以加分喇！」渴望得獎的敏之更早已想好謝詞，最想多謝是身邊支持她的人，她說：「多謝我媽咪，另外，我今年嗱呢個獎，我會送畀已經離開咗我嘅daddy ，佢當我如珠如寶，呢個獎證明我唔會辜負佢對我嘅期望。」年輕人應該敢作敢言，陳敏之不諱言想得獎，亦不怕無獎，她說：「每年都係咁，有姊妹得獎，我會為佢哋感動到喊，今年我希望佢哋可以為我喊，不過，就算真係無獎，我都會當係去參加一個好開心嘅party 。」採訪、攝影：楊潔雯
陳敏之近年事業發展越來越順利，加上一對煞食長腿，令她自信心大增。
