早飛2+5：國體會花嚫難靠 山度士撐硬你
今期又係我畢傑同大家見面（仲有位前本地超級球員），周二早飛推介希杭得手，係時候反駁牛兄：「你先唔好敗壞我副身家！」。呢次搵嚟周日巴甲，老牌球會山度士全力護級，對住爭南球盃大過天嘅國際體育會，肯定又係「大人對細路」，主W 開硬！國體會近期盤路好易捉，皆因佢哋喺聯賽排第6，要爭前4自由盃資格難度極大，但班波就肯定不愁降班，變相喺聯賽已係例行公事。早前南球盃8強次回合對小保加前，就喺聯賽作客淨吞要爭標嘅聖保羅3蛋，佢哋場波收起晒前鋒尼爾馬、中場拿菲爾阿歷士、
阿歷辛度等主力，派晒啲嚫仔上陣，擺明留力應付南球盃。
韋斯咸可折「茅」
直到國體會晉身南球盃4強，首回合對瓜達拉哈拉前夕，又喺上場聯賽收起上述幾名主力；結果雖然大勝伊帕汀加4:0，但對手為榜尾隊兼22分鐘就少打一人，戰果未可作準。嚟緊周日，國體會要作客護緊級嘅山度士，背景又係下周三要出戰南球盃，呢場波唔使審，肯定會再派嚫仔上陣。位於聖保羅州份的山度士，今季成績係近年最差，暫排13位嘅接近降班區域，只較尾4嘅紐
高（37分）多3分。呢支04年巴甲冠軍，勝在主場見得吓人，近7戰贏咗5場；而家要護級對住國體會班細路仔，加上有暫以23個聯賽入球位列射手榜首位嘅基巴彭利拿壓陣，贏波完全冇難度，我估呢場會開「-1」，預先推介埋「主勝」。配腳我揀英超韋斯咸主場擊敗內部大把嘢煩嘅樸茨茅夫，讓平/ 半撐硬上盤。文：畢傑
〈早飛倉〉
主菜：星期日45山度士勝（待定）@1,500渾水摸魚過關：星期六14賀芬咸大（2.05）x 星期六23韋斯咸（上）x 星期日45山度士勝（待定）3x1@500今日早餐價錢：-$2,000上日賺蝕：+$330早飛倉結餘：$93,974規則：$100,000本錢，每日買早餐最多動用$5,000，最少$1,000，逢周二、五起身食早餐。
周末早飛超級重心
星期六14 賀芬咸大（2.05）賀芬咸連開7口「大」後，上仗對哈化柏林斷纜開「細」，今對同是識攻唔識守的禾堡，3.5球中位數照追「大」。星期六15 利華古遜大（1.68）利華古遜守力又打回原形，前線希美斯、傑斯寧又勇極；史浩克下周無歐協後顧，雙方料搏槌。星期日27 西維爾勝（2.25）西維爾有路爾斯法比安奴復出，簡路
及
亞高卡普已傷癒，重拾火力；基達菲缺蘇爾達杜，不足為患。
難啃早餐
星期日28 維拉利爾勝（2）升班馬馬拉加非善類，上仗對皇馬更有權全取3分；維拉利爾近期防線轉差，讓唔起。
