萬人迷重返舞台61歲寶珠爆笑第二春
陳寶珠嚟喇，讓開！這麼趾高氣揚，不是含蓄內斂的寶珠姐一貫風格喎。「讓開」原來是她於明年元旦開鑼的舞台劇《我愛萬人迷》角色的名字，劇本出自甘國亮手筆，現年61歲的寶珠姐將由20多歲演到老，更兩度遇上所愛。
陳寶珠在舞台劇《我愛萬人迷》飾演的曾讓開，是七十年代的萬人迷，嫁入豪門後息影，結果離婚收場，她帶著女兒移居加拿大，又轉到上海生活，終於遇上畢生至愛。08年，她回到香港，是繼續息影還是重出江湖，還在掙扎中。人物際遇和時代背景，跟寶珠姐有七分相似，但甘國亮謂曾讓開不是陳寶珠。
「我可做喜劇」
一派優雅的寶珠姐，在舞台劇中飾演曾讓開，由年輕演到老，壓力不小。
現年61歲的寶珠姐，將由年輕演到老，還要是喜劇，她說：「我一睇到個劇本，真係好大挑戰性，好勁呀！個角色直腸直肚，
得出就
，成日嗶喱巴啦，完全唔係我性格。睇得多以前嘅陳寶珠，應該睇吓我有乜嘢突破，發現原來我唔只係嚴肅，仲可以做喜劇。」甘國亮與寶珠姐今次首次合作，甘國亮說：「如果有香港之寶，就一定係寶珠姐，佢喺我心目中係一個傳奇人物，呢個劇本我係為寶珠姐而寫。我同寶珠講，你畀我好好哋寫，你會係第一個睇嘅，如果你唔鍾意，冇問題，畀番我，佢睇完就話好。」寶珠姐在劇中兩度遇上所愛，第一個是張國強，第二個是石修。聰穎如曾讓開，面對感情卻瀟灑不來，一腔心事惟有向愛犬盡訴。首次與動物做對手戲，感覺如何？她說：「我之前已經見過隻狗，係貴婦狗嚟嘅，我盡量同佢多啲接觸，等佢慢慢接受我，覺得我好可愛咋！」
為兒子不再婚
在甘國亮眼中，寶珠姐是香港之寶，舞台劇《我愛萬人迷》是為她度身訂做。
自從與丈夫楊占美離婚後，寶珠姐獨身多年，但她說不會再婚，她說：「到咗呢個年紀，乜都經歷過。而家我有媽媽同個仔要照顧，再多一個就麻煩喇。」問寶珠姐可有追求者？她說：「天經12歲過陣，佢好想爹哋媽咪可以喺番埋一齊，有時聽佢嘅語氣，知道佢唔鍾意（母親有新戀情），而且根本就冇。到天經開始拍拖，佢就會想有個人可以照顧番媽咪。我冇刻意去追求一段婚姻，因為我真係太鍾意我個仔。」採訪：吳佩思攝影：葉君海、陳順禎髮型：Mark Kim （陳寶珠）、Jean Tong of Orient4（甘國亮）場地提供：Courtyard Hotel Mo Mo Cafe
陳寶珠和甘國亮前晚盛裝出席頒獎活動，悉心打扮的寶珠姐一點也不像61歲。
