搭棚工與女友纏綿被指強姦涉捉黃腳雞三男女受審
搭棚工人與任職女接待員的女友纏綿後，遭人致電恐嚇，指他強姦，勒索5萬元賠償，有人更揚言：「不如當跌咗叫雞算數啦！」女接待員事後報稱被強姦，惟警方調查後，將她與該對男女拘捕，控以勒索及妨礙司法公正罪。案件昨日在區域法院開審。記者：戴國輝
三名被告依次是任職女接待員的Ｙ小姐（24歲）、營業員李嘉儀（27歲）及司機劉偉康（27歲）。三名被告否認一項勒索罪，Ｙ及李則否認一項妨礙司法公正罪。控罪指兩女在去年4月1日到深水埗警署指Ｙ遭一名男子強姦，從而妨礙司法公正。
事主從沒戴安全套
搭棚工人Ｘ先生27歲，他在庭上供稱，去年3月在酒吧認識Ｙ，兩人隨即成為情侶，他更配一套寓所鎖匙予Ｙ，兩人多次在Ｘ位於石硤尾寓所發生性行為。Ｘ從沒有戴安全套。Ｘ又表示，Ｙ去年3月31日又到其寓所留宿，兩人睡前性交一次，至早上5時醒來再來一次。Ｘ事後兩次均有洗澡，Ｙ卻沒有。她其後須上班而離開上址，她致電Ｘ指自己腹部疼痛。同日下午，Ｘ收到一名陌生男子來電：「你唔使理我係邊個，條女喊住同我講話你強姦佢，你放低5萬蚊當賠償。」該男子同日稍後再致電Ｘ追數：「你籌咗錢未？你唔好玩嘢！強姦好大鑊，個女仔仲未沖涼，不如當跌咗叫雞算數啦！而家擺明當你係傻仔，總言之你盡量搞掂佢，你同屋企人借又好，同朋友籌又好，我遲啲再打畀你。」其後Ｘ與好友及胞弟商量，兩人均指毋須理會勒索男子，好友更建議Ｘ「飛線」到其手機。其後一名陌生女子致電Ｘ說：「你係咪男人嚟㗎？」又說「住私家醫院、落仔、買補品都要錢，你有冇諗過負責任？有咗ＢＢ點算？」好友接聽勒索電話，他跟對方理論：「你都未睇醫生，點知有ＢＢ？」對於對方索價之高好友有微言：「使唔使咁貴！」案件今續審。案件編號：DCCC402/08
次被告李嘉儀涉嫌妨礙司法公正受審。曾顯華攝
