陳澤杉否認係教呂麗君嘅幕後軍師，但就發聲明強調自己每次嚟香港，都得到大劉熱情款待。
甘比生女，大劉劉鑾雄女友呂麗君出聲明，話甘比個女嘅老豆係「不知名人士」，搞到大劉上晒封面，直指呂麗君冇腦，有錢身痕……
有指呂麗君跟隨大劉七年，聽聽話話，忽然輕舉妄動，全因台灣華納高層陳澤杉教路。事後，陳澤杉發聲明話唔關佢事，仲話如果再有傳媒屈佢，就採取法律行動。
八珍唔知陳澤杉有幾含冤受屈，只知目前正在過冷河，仲未正式返華納嘅陳生同舊公司EMI 仲有啲手尾未搞掂，台灣二五仲話，EMI （現名金牌大風）而家做緊嘢，稍後就會向對方採取行動。即係話，陳澤杉會收到律師信！
曾經俾周杰倫公開指責嘅陳澤杉，有傳佢任職EMI 期間，自編自導孫燕姿響埃及MV 俾人持槍勒索同禁錮。
