我條裙甩啦!（設計對白）Paco 為捧吳雨霏，安排她與票房有保證的Stephy 合作，兩人更要大打出手。
同屬黃栢高旗下的Stephy （鄧麗欣）、Theresa （傅穎）及Kary （吳雨霏），早前傳出Stephy 不滿Theresa 成績愈做愈好，公司一姐地位受影響，於是出招將對方飛出新片《絕代雙嬌》，寧願揀同威脅性較低的吳雨霏合作。
片中有一場雙嬌發狂肉搏，大打出手戲份，因為對手換上吳雨霏，Stephy 毋須與Theresa 正面交鋒，可免不和升級。
咪當我係Theresa 呀!（設計對白）雖然無人教路，但Stephy 同Kary 一開機即輪流將對方從後箍住，打到手軟。
Paco 反對
扮玉女，對Stephy 來說駕輕就熟，在新片《絕代雙嬌》中改形象做巴辣女作家，寸人唔俾面一樣無難度，出口之外，仲要郁埋手，與片中死敵吳雨霏火併肉搏。
要打交，Stephy 亦要揀對手。有指Stephy 唔想同不和的Theresa 同場合作，於是向導演詐型，將對方飛出《絕代雙嬌》。
「導演葉念琛初時想Stephy 加Theresa ，因為套戲係講兩個女仔大鬥法，由頭鍊到尾，搵佢兩個做，自然更有gimmick ，加上有場兩女埋身互『片』，絕對可以假戲真做，幾好睇呀！之但係莫講話Stephy 唔想同Theresa 合作，Paco 知道後，亦嗌唔好，因為佢一路都計劃將Stephy 同Theresa 分開發展，Stephy 拍《絕代雙嬌》，Theresa 就去北京拍劇，加上Paco 覺得個角色好啱Kary ，於是安排佢同有票房保證嘅Stephy 合作，一來少咗是非，二來又可以幫到Kary 。」知情者說。
戲中一場兩女在化妝舞會上的打鬥戲，Stephy 扮豹妹，Kary 扮獅子，單是造型化妝都要三粒鐘。為求逼真，導演葉念琛要二人自由發揮，仲講明絕對唔可以留手，要盡情糟質對方。
改戲路做惡婆作家，Stephy 扮鬼扮馬，加條尾扮豹兼用誇張表情演出。
Paco 力捧Stephy 及Theresa 分開發展，Stephy 電影套套賣座，Theresa 亦成
界女神，各自精彩。（《蘋果日報》圖片）
有指葉念琛暗戀Stephy ，每次合作，都有火花。
本月初，Theresa 和Stephy 替《歌星賀台慶》演出，擦身而過亦未有交談。
冇得留手
「我一早都已經豁出去，咁導演講到明唔可以姐手姐腳，我唯有出盡所有力去打，原來打交係好辛苦，打完自己都成身痛，好彩同Kary 熟，點打佢都唔會嬲！」Stephy 說。
頂替Theresa ，任Stephy 打的吳雨霏，對好姊妹亦讚不絕口。
「佢經驗比我多，有乜唔明，佢都會指點我，拍打戲之前，我哋都講好晒，唔會留手，所以打得好放心！」依然支持葉念琛，換上Theresa 同Stephy 毆鬥，肯定更逼真，更好睇！
票房福將
轉戰電影，Stephy 與葉念琛先後合作三部電影《獨家試愛》、《十分愛》、《我的最愛》，票房累積超過三千二百萬，Stephy 更成為今年度香港最賣座女星；相反，葉念琛改用台灣女星曾愷鉉及Miki （楊愛瑾）孭飛的《親愛的》，票房僅得百多萬，難怪Stephy 被葉念琛及Paco 視為票房福將。
