我唔要戴帽呀！（設計對白）00年與拍拖十二年嘅伊能靜喺洛杉磯結婚，兩年後誕下仔仔「小哈林」，一度被喻為圈中長情夫婦。（《忽然1周》圖片）
自稱「美麗教主」嘅伊能靜，兩年來被傳背住老公「哈林」庾澄慶，偷嗒台灣小生黃維德，當時兩公婆極力否認，哈林更挺身推翻綠帽疑雲。
雖然澄清再澄清，但近年專注喺大陸發展嘅伊能靜，同哈林的確聚少離多，而有關佢同黃維德嘅緋聞，亦因為兩個經常一齊返大陸拍劇無停過。
直至近日，大陸傳媒拍到伊能靜同黃維德喺北京十指緊扣行街，偷食兩個字，伊能靜點抹都抹唔甩。
當日伊能靜完全無化妝，與戴住鴨嘴帽加眼鏡嘅黃維德，一齊行百貨公司，過馬路時，黃維德仲伸出「友誼之手」，之後二人兵分兩路，女去shopping ，男去high tea ，但到咗夜晚，兩個就前後腳返咗伊能靜位於北京嘅自置香閨，咁都冇嘢，三歲細路都唔信喇！
（《忽然1周》圖片）
去年伊能靜與黃維德到北京拍攝電視劇《少年訟師紀曉嵐》，雖然只係排戲，兩人卻相當肉緊。
