[迎新優惠] 理財精明眼：永亨稅貸年息低至5.48厘

理財精明眼：永亨稅貸年息低至5.48厘
  

銀行稅貸計劃陸續推出，永亨為保市場地位，進一步減稅貸利率，提供第1期及第6期的兩個月免息免供優惠，實際年息由7厘減到5.48至5.84厘，慳番成厘息。

公務員享4.93厘低息
公務員、專業人士及公營機構員工唔單止有多兩倍月薪貸款額，實際年息仲唔使5厘，僅4.93厘，完全反映遲啲安排稅貸更多著數。此外，今個禮拜頭，富邦都出咗稅貸，利息就高啲，借成100萬元，實際年息都高過永亨借20萬元以下。雖然還款期可以揀48個月，但羊毛出自羊身上，拖到咁長咪又係要畀息，仲要貴啲，要睇番自己實際需要。不過，富邦另備循環稅貸貸款，靈活啲當然要畀多啲息，比定額貸款高1.43至2.45百分點。各銀行稅貸都未出晒，現在只是預賽，未入直路，可以再等一下，睇定啲揀個最岩自己嘅plan 。精明指數★（5粒星為最抵）

銀行稅貸計劃
永亨「稅亨通」20萬元或以上一般客戶實際年利率(共付年息*)：5.48厘（548元）指定客戶實際年利率(共付年息*)：4.93厘（493元）20萬元以下一般客戶實際年利率(共付年息*)：5.84厘（584元）指定客戶實際年利率(共付年息*)：4.93厘（493元）富邦稅務貸款18萬至100萬元定額貸款實際年利率(共付年息*)：5.97厘（597元）循環貸款實際年利率(共付年息*)：7.40厘（740元）8萬至18萬元以下定額貸款實際年利率(共付年息*)：7.04厘（704元）循環貸款實際年利率(共付年息*)：9.49厘（949元）1萬至8萬元以下定額貸款實際年利率(共付年息*)：10.28厘（1028元）循環貸款實際年利率(共付年息*)：12.71厘（1271元）註：還款期為1年，循環貸款逐日計；一般客戶；*每萬元計資枓來源：永亨及富邦銀行